hvar finnur maður stjörnugjöf fyrir hrafnistu, skjól og grund?

 

 

 

 

 

 

 

 

 

 

afnám bindisskyldu tók gildi að aflokinni fermingu.

afnám jakkafataskyldu einnig. en þetta gekk ofsa vel og fermingarbarnið, hinn ungi maður semsagt (þessi sem valdi bindi á pabba sinn) var hamingjusamur. vinir og vandamenn voru ótrúlega rausnarlegir og fá miklar þakkir og ég vona bara að allir hafi haft það fínt í veislunni.

drengurinn er stoltur eigandi mac book tölvu, ipods, gítarmagnara, veiðivestis og silunga- og laxaflugnaboxa, bakpoka, orðabóka og gítarbókar og ýmislegs dóts auk þess sem bankinn fær um 200 þúsundir ríkisdala til ávöxtunar.

ég er að íhuga borgaralega fermingu hið snarasta og sendi rafræn boðskort. það verður veisla....

þarna eru semsagt litlu börnin mín þeir atli og jökull logi og mér finnst eins og þeir hafi verið að horfa á morgunsjónvarp barnanna bara í fyrradag sko.

en tíminn líður bara svona óóógeeeeeeeeeeeeðslega hratt. hver ætli prísinn sé á eins manns herbergi á hrafnistu???? einhver..

fullorðinna manna tala

 

í dag fermist hann frændi minn, bjarki ómarsson og ég fer í veislu að éta á mig gat.

á morgun fermist hann sonur minn, atli arnarsson, og það verður veisla og ég verð svo stressaður að ég gleymi að éta.

en vona að vinir og vandamenn taki á því.

drengurinn er efnilegur og alltaf að, þó það fari lítið fyrir honum. kominn í hljómsveit og verður ríkur og frægur. eins gott fyrir hann svo faðir hans hafi það náðugt á efri árum.

svo er drengurinn fyrir löngu orðinn skipstjóri..... ekki skiptastjóri eins og svo margir, heldur skipstjóri...

kanínur

 

ég fíla páskaegg. 

og líka páskakanínur.

ætla að ættleiða tvær.

ef ég finn þær um páskana sko, ef ég finn þær.

sláttuvélakappakstur er glettilega skemmtileg íþrótt...

 

þetta var texti við mynd í fréttablaðinu, já.

var að lesa, hér um daginn, um öðruvísi íþróttir.

fílapóló, mýrarköfun, koddaslag - jebbs, keppt í því - og sláttuvélakappakstur.

það er farið að framkvæma gríðarlegar breytingar á sláttuvélunum og þær slá ekki á meðan heldur æða áfram eins og.... eins og..... eins og ja, traktorar barasta. enda hnífarnir fjarlægðir svo þetta sé ekki eins og í caligula myndinni. ekki segja að þú hafir ekki séðana....

íþróttin á uppruna sinn í bretlandi, þar sem þetta vidjó var tekið upp en blómstrar víst í bandaríkjunum. blómstrar gjörsamlega og er væntanlega ívið vinsælla en handbolti.

fáðu þér bara popp og kók, dragðu fyrir og njóttu.

did i throw it away in akureyri

 

is it true? is it over? did i throw it away? jamm, júróvisionlagið er aðallagið hjá okkur í skákfélagi vinjar sem við stofnuðum í athvarfinu sem ég vinn í, eftir ferð á akureyri um helgina. í félaginu eru tuttuguogfimm manns, gestir athvarfa, starfsfólk rauða krossins og áhugafólk sem fílar að tefla með okkur. ég er á sjötta borði - af sex - enda lélegur.

ferðin gekk vel og það var auðvitað brill að vera fyrir norðan. en frammistaðan var ekki samkvæmt vonum og liðið fór úr sjöunda og í sextánda af þrjátíu liðum sko. fer bara í reynslubankann.

en ég hitti stjána og svenna og einar, gömlu skólafélagana. og helling af liði. og auðvitað mömmu og pabba. lokahófið í vélsmiðjunni á laugardagskvöldinu. eitt stórt pylsupartý sko, ekki pylsur samt (með ypsiloni en ekki u-i) heldur þrjúhundruð dúddar og ellefu konur.....

svo kíkti maður á kaffi akureyri og kaffi amor.

við rúlluðum í bæinn í gær og ég var alveg out þegar ég kom heim.

fer bara norður aftur fljótlega og kíki í heimsóknir. og betur á kaffi akureyri og kaffi amor. og vélsmiðjuna og græna hattinn. jebbs...þetta var hevví prógram.

 

myndirnar tók stjörnuljósmyndarinn kristján bjarnason eða bjáni stjarna....

kær frændi kvaddur og svo brunað norður sko. höfuðborg norðurlands... íslands

 

á morgun verður móðurbróðir minn, tónlistarsnillinn hann höddi eða hjörleifur björnsson, jarðsettur. hann var mikið virtur tónlistarmaður og lék á sínum ferli með öllum helstu jazzistum um heim allan. hann spilaði einhverju sinni með abba og í gamla daga með fullt af frægustu íslensku grúppunum. í seinni tíð á skemmtiferðaskipum með sven ingvars band og öðrum sem voru heldur betur frægir í den. maður var alltaf montinn að eiga svona flinkan frænda sem var yfirmaður strengjadeildar við stokkhólmstónlistarskóla sem ég kann reyndar ekki að nefna.

Orion Quintet í Breiðfirðingabúð 1957. Á myndinni eru Hjörleifur Björnsson (kontrabassi), Þórir Roff (trommur), Ellý Vilhjálms (söngkona), Eyþór Þorláksson (gítar), Sigurður Guðmundsson (píanó) og Andrés Ingólfsson (alto-sax).

en á föstudagsmorgun er brunað til fallegasta bæjar landsins, höfuðborgarinnar fyrir norðan sko. við förum nokkrir í skákklúbbnum mínum og keppum á íslandsmóti skákfélaga, alveg kaldir. svo hittir maður fjölskyldu og vini og vonandi gamla félaga á...

einhverju dansiballi.

nú eða pöbb.

öll helvítis járnhlið

 

Öll helvítis járnhlið skjálfa

undrast myrkur, að ljós er styrkra.

Hlaupa fjandar og ætla undan,

ódæmi þeir sögðu að kæmi.

Hræðslan flaug um heljar byggðir.

Helga menn er fjötrar spenna,

hlaut óvinurinn lausa að láta,

lamdur og meiddur, er valdið beiddi.

Þetta orti munkur í reglu heilags Ágústíníusar um 1350. Heilmikill bálkur, kvæði númer 61.

og spurningin er: hvað heitir þessi piltur og hvað heitir allur bálkurinn ha??? veistu það?

Þess má geta að kveðið er af snilld og drottinn og helvíti koma við sögu saman eða til skiptis út í gegn. Og finnst manni að spádómur sé þarna kominn sveiattan.

hvert kvæði öðru magnaðra en númer 84:

Hræðist ég, að sárt muni svíða

samviskunnar byggð af grunni

sundruð öll, þá er syndir kalla

sína eign á hjarta mínu.

Dökkir munu þá fjandaflokkar

færast nær með ópi og kæru,

búnir mig að brenna og skeina,

bíta, kremja, rífa og slíta.

 

 

sökkjú kom

 

kíkti héddna hjá honum teiti atlasyni.

hann snertir á ýmsu og fannst http://www.suck.uk.com/ ógeðslega fín síða. mér líka. þarna má finna þvílíkan varning að maður gleymir sér í skoðunarleiðangri. til að mynda

þessa æpoddhátalara.

 

 

og til að mynda þetta pennastatíf sem er gott þegar maður er pirraður

 

 

 

og þennan ótrúlega flotta ljóta stól sem á að prýða hvert heimili

og rakspegil og svo fleira og fleira. kíktu

 

we are the wanderers

 

var á fyrirlestri hjá þór daníelssyni, sendifulltrúa rauða krossins í mongólíu í dag. um mongólíu sko. algjör snilld og nú veit ég helling um þetta magnaða land en vissi ekkert í morgun.

en við atli fermingardrengur vorum að horfa á the wanderers, eldgamla frábæra philip kaufman ræmu sem er brilljant og tónlistin út í gegn úber dúber.

einn karakterinn hét torri porri. leikinn af terri perri. það fannst mér kúl.

ef maður kemst ekki í gírinn við svona þá hvað? fékk mér reyndar bara te, en so....

daddý kúl

 

í dag er fjórði mars og þá eiga þau miriam makeba og antonio vivaldi afmæli.

líka pabbi minn, hann valgeir þór, árskógstrendingurinn knái. hann er sjötíuogfimm og á bara tuttuguogfimm góð ár eftir. svo fer hann væntanlega að lýjast.

pabbi minn er að sjálfsögðu snillingur og er enn að vinna, keyra bíl og sigla bát. hann hefur margt á afrekaskránni en hann bjó mig til sem er auðvitað toppurinn. og bræður mína líka en prótótýpan virkar langbest.

á sínum tíma valdi hann sér fallegustu konuna á ballinu og hún var og er auðvitað langbest. best í heimi.

hann hefur keyrt leigubíla og vörubíla, flutningabíla og gröfur. verið háseti og vélstjóri á sjó. spilað á harmonikku á böllum og sýnt fimleika á yngri árum. og á miðjum aldri í stofunni heima hjá sér. verið viku í björgunarbát norður í ballarhafi þegar stígandi sökk þegar ég var tveggja. skotið rjúpur og refi og einu sinni kött sem var næstum því búinn að drepa mig þegar ég var nokkurra vikna þannig að hann átti það skilið.

svo átti hann flugvél og flaug með piltana sína yfir landið mange ganger. flogið með sven ingvars band um norðurland sem enginn annar hefur gert. unnið dag og nótt til að börnin gætu haft það sem best og í gær borðaði gengið í perlunni sem var ekki svo galið.

þessi mynd var reyndar ekki tekin við það tilefni en samt virðast allir í stuði. til hamingju með áfanginn pabbi minn.