lítur bara ekkert svo illa út...

þó maður sé að detta í seinni hálfleik, eða búinn með tesopann og að taka miðju, þá er þetta alltíkei. 79 er ekkert svo slæmt. betra en var á átjándu öld þegar meðalaldur íslenskra karlmanna var 30 ár. ég væri orðinn háaldraður núna og boginn og slitinn - sem ég reyndar er -. þó ekki orðinn kalkaður held ég. en stelpurnar verða eldri, gott. þá er nóg úrvalið á hrafnistu þegar maður mætir þar, sperrtur....

Lífslíkur íslenskra kvenna 83 ár en íslenskra karla 79 ár

Tónlist

 

klifar lækur í klettunum

kvakar lóa rétt hjá onum

það er töluverð tónlist í kettinum

þegar maður stígur á skottið á onum

hver vill vera barnapía?

jebb,  var einmitt að tala um þá sem blogga bara bloggafrétt blogg....

en þetta finnst mér ja.. fyndið, eða ekki kannski. Svo eru menn hissa á að fólk sé plaffað hægri vinstrï!

Tíu mánaða gamalt barn fær byssuleyfi í Illinois

bloggarar...

var ekki viss um hvað ég ætti að skrifa. Ekkert sérstakt i gangi annað en uppstigningardagur á morgun og þá ætla ég að vinna í MogM. Var að surfa bloggarana hér. sumir skrifa hvað þeir eru að pæla, oft skemmtilegt því sumir eru hugmyndaríkir og flottir pennar (badabing.is og margir fleiri) aðrir skrifa hvað þeir eru að gera og auðvitað oft skemmtilegt en líka stundum leiðinlegt. Sumir skrifa bara bloggafrétt blogg og það er oftast ekkert spennó. Sjálfur geri ég það stundum. Svo skrifa sumir bara um pólítik og maður getur allavega alltaf svarað á þeim síðum! hvar sem aðrir eru staddir í flokk.

En, gleðilegan uppstigningardag og dettiðiíða bara, eða eitthvað. Farinn að vaska upp.

það er sko misjafnt...

 hvernig maður ver frístundum sínum. Þekki reyndar nokkra sem eru mikið í sófanum en...

 Svo virðist sem að Maria Luisa Zamora hafi ekki staðið í skilum á greiðslum þar sem hún lést fyrir sex árum, eða árið 2001. Hún ætlaði semsagt að verja frístundum sínum á heimilinu sem greinilega voru ekki garðrækt, að mati nágranna....

Fann vel varðveitt lík í sófanum

ég er tundurskeyti

Krabbi: Ef þú værir tundurskeyti værir þú á leið til tunglsins - svo einbeittur ertu að framkvæma fullt næstu fimm vikurnar. Einhver mun ögra styrkleika þínum.  

 

reynið bara að ögra styrkleika mínum...

Inga Rún flugfreyja og Frank Lampard fótboltakall

Hún á afmæli í dag

Hún á afmæli í dag

Hún á afmæli hún Inga Rún frænka mín

Hún á afmæli í dag

Inga Rún fékk aldeilis fallegar bækur frá frændum sínum þeim Arnari, Jökli og Atla en besta afmælisgjöfin var 1-0 sigur West Ham gegn Manchester Utd. Til hamingju Inga Rún og West Ham. Á þessari mynd er gamall jaxl sem spilaði lengi með West Ham United, fæddur 1944, Frank Lampard....

what a helg

Missti af risaprinsipussunni um helgina, því miður. Hún hafði þó veruleg áhrif á ferðalög mín því bæði föstudag og laugardag þurfti ég að keyra úr miðbæ i vesturbæ til að komast í austurbæ... þvílík stappa af bílum maður!

Föstudagur, semsagt eftir þetta vesen fórum við Róbert litli Lagerman austur yfir heiðar að tefla við liðsmenn Frelsingjans, skákfélagsins að Litla Hrauni. Það var gaman, reyndar ekki mjög margir að þessu sinni, átta manna mót. Alltaf gaman að tefla þarna, hressandi samkunda. Kom heim seint og um síðir.

Laugardagur, vinna í M og M til fjögur, bara fínt. Svo klukkutíma að komast í Laugardalshöll að kjósa VG. Fór svo til Kristians Guttesen og Særúnar en hún átti 35 ára afmæli og hann var að gefa út nýja ljóðabók, GLÆPALJÓÐ sem lítur vel ut. Smá júrófílingur, kosningar og gítar og ljóð, fínt bland í poka. Við Mummi skruppum svo seint og um síðir á kosningavöku á Hótel Sögu, það var nú hressandi samkunda enda valinn maður - og konur - í hverju sæti. Skemmtilegt lið. Þaðan röltum við á hinn velþokkaða veitingastað, Dubliners, þar sem hljómsveitin SWiSS lék fyrir diskódansi og þaðan var rölt, með íhaldinu honum Ingvari litlu bróðurómynd, sem var hinn hressasti og í fíling, á Amsterdam. En skynsemin sagði: Arnar, drífðu þig heim að lulla og Arnar dreif sig heim að lulla en alltof seint.

Sunnudagur. Vinna í M og M kl. 10.  Alltof alltof snemmt. sjitt maður. hafði þetta þó af og svo kom Inga Rún frænka og afmælisbarn dagsins í heimsókn og þáði gjafir og kaffi og súkkulaði. Hressandi samkunda.

Búinn að óska mömmu til hamingju með daginn. Líka Rósu og Auði. Þær allar lengi lifi enda súpermömmur, Húrra húrra húrra húrra (en þær eiga líka allar fallega og duglega syni)...

 

súr gleði

það er auðvitað gleðiefni að stjórnin falli. Hinsvegar líst mér ekkert á að VG fái aðeins 15,5%. ég á samt enn eftir að sjá að sjallarnir nái 36 pró. og samfylking yfir 29 pró. frammararnir dala síðan síðast en hífa sig upp í 13 eða 14 á endapretti. hvet alla til að heyra í vinum og vandamönnum og leggja VG lið. Sérstaklega í kraganum þar sem ekki má missa af frábærri manneskju sem væri styrkur fyrir alla landsmenn á þingi, Guðfríði Lilju Grétarsdóttur. Eðalmanneskja sem þekkir vel til í þinginu og myndi sinna starfi sínu af myndugleik. Kjósum Lilju á þing, takk fyrir.

á mynd má sjá Lilju tefla við efnilega krakka en Lilja hefur staðið sig ótrúlega vel sem forseti skáksambandsins

Ríkisstjórnin fallin samkvæmt könnun Stöðvar 2

krabbinn

stjörnuspáin mín i dag. verð greinilega að horfa á júró. ekki kvestjón...

 Krabbi: LÍfið færir þér eitthvað nýtt að horfa á - og þú gleypir það allt. Fyrst viltu vita hvað þér finnst um þetta skrýtna augnakonfekt, en svo nýturðu þess bara