heilsa fyrir poka

man þegar maður þurfti að fara að greiða fyrir pokana i búðunum og þótti súrt. Hins vegar er þetta stórsnjallt og hefur hjálpað mörgum félagasamtökunum að gera hina þörfustu hluti.

Heilsueflingarklúbburinn í Vin, athvarfinu sem ég starfa í, fékk 300.000 kall úthlutað úr sjóðnum í dag og kemur sér vel. Fólk með geðraskanir er ekki alltaf duglegt að hugsa um líkamlega heilsu, margir verða þrýstnir af lyfjum o.s.fr. og með markvissri fræðslu um mataræði, hreyfingu og líka andlega vellíðan þá komast margir í betra form. Andleg og líkamleg heilsa helst í hendur.

Verið er að plana mikla heilsuferð í Grímsnesið í sumar í nokkra daga en fyrst fara jú tuttugu manns til London, á listsýningar og mama mia og chilla á oxford street og svoleiðisssss.

ég verð heima og elda og hef það huggó, vona ég. tefli og mála og fer í heilsusamlega göngutúra...

Húrra fyrir pokasjóði.

Hæsti styrkur úr Pokasjóði til uppgræðslu rofabarða

kynlíf kóralla

einu sinni á ári, undir fullu tungli, er hópsex hjá kóröllum. Þeir geta ekki hreyft sig og dæla frá sér eggjum sem aðrir kórallar geta sætt. Jafnvel aðrar tegundir kóralla þannig að þetta er létt blöndun. Stórkostleg sjón.... þetta lærði ég nú rétt áðan af sjónvarpinu. jebb, læra meira og meira, meira í dag en í gær. Tímgun.

kóralla...

 

DEXTER

 

Mikið er gott að hafa dexter, þennan mjúka og tilfinninganæma dúdda, á skjánum svona til að enda helgina. Gefur manni trú á mannkynið. Og sýnir manni það að maður er kannski ekki svo undarlegur sjálfur, eftir allt....

Annars var ræs og sjæn á afar ókristilegum tíma, Atli að keppa i fótbolta í Breiðholtinu alveg eld eldsnemma. Gekk ekki of vel hjá Frömmurunum en alltaf gaman að horfa á kappana. Duglegir piltar.

Rúllaði svo austur yfir heiðar með Jökul eftir að Atli fór heim og þá vorum við reyndar búnir að fara í Perluna, ásamt einhverjum milljónum manna og sérstaklega kvenna, enda skóútsala.

Mummi bauð mér í kvöldmat, gott hjá honum. Kjúlli og kúskús og salat. Gott hjá honum.

Dexter drap einn og bjargaði einni. Gott hjá honum.

ég er að fara að sofa. Gott hjá mér.

maður er algjörlega með böggum hildar...

...eða parisar. stelpuskjátan bara sett á hraunið. í einn og hálfan mánuð.

Maður á sko ekkert að keyra ítrekað fullur eða full. þó maður sé sætur og vitlaus og frægur.

verður á forsíðum allra mannlífa um víðan völl

Paris Hilton í 45 daga fangelsi

hver var að tala um frí?

Helgin:

Föstudagur. Jökull kom, brunað í Barðann, skipt um dekk, matur keyptur fyrir 8000 kall. Atli sóttur. Klárað að ryksuga og þrífa baðherbergi, sturta. Pizzur í ofn og franskar.

Laugardagur: vakna snemma, fara í Nexus með piltana (bókaogbyssudagar) svo í kolaportið að kaupa army úlpu fyrir sveitadrenginn. upp í breiðholt þar sem hinn yngri spilar á tónleikum. Missum af Arsenal og Chelsea en eldum bara hakk og spaghettí og kíkjum á imbann.

Sunnudagur: vakna ógeðslega snemma og bruna í breiðholt. Leiknir mun taka á móti Fram í 5 flokki A,B og C. Komum heim og étum. Verður farið að huga að brottför drengjanna frá pabbanum. Keyrt í  hliðar og austur yfir heiðar. Kíki kannski á Dóra litla í Hveragerði á heimleiðinni. Sofa og vinna á mánudag.

úps, gleymdi. Þarf að kíkja í vin og gera sýningarskrá yfir myndirnar á listsýningunni sem opnar kl.  eitt á mánudag. næstum því sextíu listaverk... snilld. Mætið ef þið þorið.. kaffi og konfekt.

hárrétt hjá pearce

einvaldur og bráðum fyrrum einvaldur Manchester city, og einvaldur enskra landsliðspilta, klikkar ekki þegar júnætid er með væl. Sko ef þið fáið einum degi minna til að undirbúa ykkur fyrir leik gegn okkur, þá fáið þið bara einum degi meira til að undirbúast fyrir chelsea. Algjörlega hárrétt og Ferguson var ekki búinn að fatta þetta. En City tekur þetta 2-1 og pearce fær að klára leiktíðina. Svo tekur Chelsea skumsarana 2-1 og klárar leiktíðina.....

Pearce: Erum ekki að reyna að klekkja á United

undirbúningur helgarinnar

mikið að gera í vinnu en það er bara gaman. vorum að hengja upp myndir í dag sem er afrakstur vinnu undanfarinna vikna og mánaða í vin en "uppreisn litarins" verður opnuð formlega á mánudaginn kl. eitt. smá innlegg í "list án landamæra" og við höfum haft leiðbeinendur og kennara, fremsta í flokki Sigrid Österby, myndtherapista og ofur sjálfboðaliða. teiknað, málað og allskyns blandaðar tækninýjungar... þetta verður kúl. Fólk úr öðrum athvörfum Rauða krossins, eins og Dvöl og Læk verða með.

Annars er umfjöllun um hið magnaða skákmót mánudagsins, Morgan Kane mótið, á skak.is og redcross.is fyrir áhugafólk. Maður verður að finna nýtt þema því þetta er gaman.

Annars er það kolaportið á laugardag, Jökull þarf að fara þangað. Atli er að spila á gítartónleikum í Gerðubergi, neðri hæð, kl. 15:00 og mætið öll. Svo á sunnudag er ræs alveg alltof snemma því Atli er að keppa í fóbbolt á móti Leikni. Áfram Fram skal ég kallla þó sybbinn verði. Jebb, bara allt planað fyrir mann.

Svo skulum við bara fara að agítera fyrir VG svona síðustu vikuna fyrir kosningar. Annað kemur ekki til greina. Tryggjum þeim góða kosningu.....

jebb, ekki einkahagsmunir...heyr heyr.

Sammála Ögmundi. Gott hjá honum að tala yfir hausamótum fólks í mínum fæðingarbæ.

Annars hófst dagurinn á því að 5. flokkur Fram lék við KR í Reykjavíkurmótinu á Framvelli. Atli sonur var þar á kantinum, svona vinstri blár, en því miður töpuðu A,B og C liðin öll fyrir vesturbæingum að þessu sinni. Þó mikil læti og spenna. Svo klukkan tvö var aftur ætt upp á Framvöll en félagið heldur upp á 99 ára afmælið í dag. Til hamingju með það. Mátti sjá bæði Valsara og ÍR inga á svæðinu, vonandi til að gleðjast með Frömurum. Allavega sá ég þá háma í sig vöfflur og kleinur með kaffinu.

Svo var brunað í Kópavog á skrifstofu VG þar sem verkalýðurinn var hylltur með ávörpum og söng og allskyns gleði. Fullt af fólki og meira kaffi drukkið, auðvitað keyptir happadrættismiðar fyrir flokkinn þar sem margir skemmtilegir vinningar fyrirfinnast. Td: Pandóruboxin opnuð.. Bragi Kristjónsson býður til sögustundar í Bókinni ehf-fornbókaverslun. Ef ég vinn get ég örugglega boðið fólki með mér en Bragi er snilli og stórskemmtilegur. Örlátur á að gefa mér bækur fyrir Vin og skákklúbbinn og líka til að taka með í kassavís á Litla - Hraun þegar við förum þangað að tefla.

Svo er þarna einn sem ég gæfi sennilega Ingvari, minni kæru bróðurómynd ef ég fæ hann: Í upphafi var orðið... Hlynur Hlallsson spreyjar vel valin slagorð á vegg og er það að andvirði 100.000 kr. Hinn skeleggi hauskúpujakkafatagæi og listamaður myndi nú aldeilis gera heimili Ingvars og Helgu yndislegt fengi hann að skreyta þar veggi. Svo er auðvitað haugur af öðrum skemmtilegum vinningum.

Er að fara til Skúla, hins helbláa Sjallaballa að horfa á Liverpool og Chelsea. Binni sál kemur með og hann er Chelsea. Sem þýðir að ég gerist væntanlega Púllari í tvo tíma, af illri nauðsyn. En bara í tvo tíma, svona til heiðurs Kristjáni Bjarna uppeldisbróður og Halli langa sem er ekki tveggja metra maður. Hann er 1.99 og hálfur.

Svo er það Nasa í kvöld að tjútta með VG til heiðurs verkalýðnum. Jebb, nóg að gera maður.....

Almannahagsmunir ráði för

átján manns í álfheimum....

... nei á Hverfisgötunni. Já, átján manns tóku þátt í Morgan Kane skákmótinu í Vin í dag og það var nú bara met þar innanhúss. Algjör snilld og í raun ekkert skrýtið því maður er alveg til í nokkrar bröndóttar ef maður fær Morgan Kane bók, ha.

Fórnir og fléttur voru í algleymingi og klukkur barðar sem harðfiskar, enda bara 7 mín á mann sem sumum fannst ekki nóg. sjálfur fékk ég þrjá vinninga af sex mögulegum og þótti bara góður. Það voru jú engar smá kanónur sem stóðu á verðlaunapalli, sem var nú bara stofugólfið niðurfrá, þannig lagað. Tómas Björnsson kom, sá og sigraði en hann hefur einmitt lagt það í vana sinn þegar hann tekur þátt í mótum hjá Skákfélagi Vinjar. Hlaut fimm og hálfan. Róbert Harðarson varð annar með fimm og fjóra vinninga fengu ofurbloggarinn Gunnar Freyr Rúnarsson, gunz, fyrrum súperofurbloggarinn Hrafn Jökuls, tulugaq, og Hrannar Jóns sem er tölvugúrú en held ég ekki bloggari. Svo voru þarna Bjarni Sæmunds sem eitt sinn vann sterkt mót í Vin og er frægur skákkall, Elsa María Þorfinns, verðandi súperstjarna, systir hennar Telma sem er nýbyrjuð en gæti sko alveg náð langt ef hún nennir og fyrrum Reykjavíkurmeistari Björn Sölvi Sigurjóns og fleiri og fleiri. Einvalalið.

Svo var boðið upp á ís og vöfflur eftir verðlaunaafhendingu en allir fengu Morgan Kane bók og aðra bók að auki þannig að þetta var ferð til fjár..bóka og bara ofsastuð.

Lifi skákfélag Vinjar, Lifi Hrókurinn, fram til sigurs...............

excelsior

hvusslax ræfildómur er þetta hjá Grétari og hans mönnum. Held hreinlega að þeir hafi aldrei orðið meistarar, allavega ekki i langan tíma. Og markmaðurinn lét reka sig útaf á 9. mínutu. Svoleiðis gerir maður ekki þegar maður ætlar að taka titilinn.

Þessi spenna er öll að leysast upp í vitleysu. Derby tapaði í slag um úrvalsdeildarsæti. Mæta mínum mönnum í Leeds farkíng brjálæðir og við vinnum ekki 5-0 og erum þar af leiðandi algjörlega fallnir.

Chelsea er að færa júnætid dolluna við lítinn fögnuð margra. En West Ham stendur sig og heldur þessu rúllandi. Og óska Sunderland og Birmingham til hamingju með að komast upp. Hefðum betur fengið Roy Keane á Elland Road fremur en Dennis sem er sko aldeilis ekki Wise.

PSV fagnaði meistartitli í Hollandi