tónlistargetraun -a la, eða alla ingveldur

 spurt er um tónlistarmann frá afríku.

hann ber nafn sem er býsna austur-evrópskt en það þekkir enginn, listamannsnafnið er meira í ætt við vestur-evrópu.

stofnaði blús band í englandi snemma á sjöunda áratugnum og spilaði í klúbbum í london, svona eins og stones og þetta lið. var með blásturshljóðfæri og alles.

þegar bítlarnir urðu frægir breytti okkar maður áherslum í takt við vinsældir enskra. söngvari bandsins þótti góður og á árunum 1963-69 átti hljómsveitin, sem nú hafði fengið nýtt nafn, flest lög vinsældarlistanna svokallaðra merseyside banda, held ég bara á bretlandseyjum, fyrir utan bítlana ofkors...

tóku reyndar slatta af coverlögum, jafnvel frá sjötta áratugnum, og poppuðu aðeins upp með tilheyrandi vinsældum.

næstvinsælasta lag þeirra, frekar en það vinsælasta, er eftir bob dylan kallinn.

lúinnáði bara

jebbs, strákurinn þreyttur. maður má vera lúinn stundum.

kvöddum sumarstarfsmanninn/stúlkuna okkar í dag í vin, hana guðnýju mörtu. hún hefur staðið vaktina í sumar eins og hetja, bæði dugleg og sæt. var í fyrrasumar og sjálfboðaliði á veturna.

takk fyrir samstarfið guðný og gangi þér vel sem félagsráðgjafi.

svo er gugga, yfirmaður minn að hætta. ekki gott. bölvað bara. unnið saman lengi lengi, fyrst á geðdeild og svo í vin. en gott hjá henni. allt í lagi að breyta til eftir svona mörg ár. hefur verið sendifulltrúi rauða krossins í kosovo, palestínu, súmötru, íran og írak, og líka verið í því að stjórna okkur. töff starf en staðið sig eins og hetja. enda vinstri græn. baráttumanneskja með ríka réttlætiskennd.

en var ekki einhver frasi svona: maður kemur í manns stað. held það.

fór á litla hraun að láta valta yfir mig í skák í kvöld. það var sosum kúl. hrannar jónsson fór með. snillingur. helsta afrek að fá bronsið á flugfélagsmótinu eða greenland open. gott að vera no 3 af 86. ég kom þar aðeins á eftir.....

hrannar ætlar að verða sálfræðingur þegar hann er orðinn stór. hann er vinstri grænn, indlands- og nú grænlandsvinur. verður ekki betra.

 Leeds hefur unnið sex fyrstu leikina í deildinni sinni. komnir í tuttugusta sæti af tuttuguogfjórum liðum... byrjuðu með 15 stig í mínus. vegna þess að þeir urðu gjaldþrota. tala um að sparka í  liggjandi mann maður... mínus fimmtán. sjitt.

grænlensku krakkarnir koma á morgun. það verður nóg að gera. fullt af plönum en fullt af góðu fólki í því dæminu. sund tvisvar á dag hjá þeim. snilld. kópavogur stendur sig vel. bjóða þeim upp á skóla og sundkennslu. reykjavík stendur sig vel. býður þeim í húsdýragarðinn. svona meðal annars. Kalak, vinafélag íslands og grænlsands stendur sig vel. sér um dæmið.

ég stend mig vel. líka hrafn jökuls. vinnur hörðum höndum í málinu milli mjalta og messu á ströndum. fullt af fólki stendur sig vel...

ósáttur við innslag íslands í dag vegna slagsmála tveggja kvenna á grænlandi sem sýnt var í gær. vísa enn og aftur í félaga bjb eða björn jóhann björnsson, bloggara....

annars er það bara mál og menning um helgina. fæ aldrei að sofa út. sjitt og aftur sjitt. sef þegar ég er orðinn gamall... eldri.

gleðilegt haust. skarnar........

börn, matur, drykkja og geðheilsa, allt í einum pakka. og skák...

það er sko nóg að gera í pleneríngum á þessum bænum sko.

númeróúno: 26 grænlenskir krakkar, frá litlu þorpunum í kringum ammassaliq svæðið, koma laugardaginn 15. sept. og verða í ellefu daga. búa í kópavogi og ganga þar í skóla og læra að synda. kallaðir sundkrakkarnir. maður verður eitthvað með þeim og teflir og svona, eldar kannski og trillar með þeim um allar trissur. skákfólk kemur að þessu og plöggar ýmsu. grænlandsfarar allavega. þetta er snilldarverkefni og þetta eru duglegustu krakkar í heimi.

2. er að undirbúa árshátíð rauða krossins ásamt fleirum. reyndar nokkrum snillingum. við gerum þetta af stakri snilld. verður kúl. algjörir gullmolar sko.

3. er að undirbúa alþjóðlegan geðheilbrigðisdag sem er 10. okt. ásamt fullt af góðu fólki. hátíðir bæði 7. og 10. okt. söngur, dans, gleði og ráðstefna og allskyns fínerí. og skákmót. þetta er alltsaman snilld. engin heilsa án geðheilsu. munið það.......

svo var afmælisskákmót til heiðurs þórði sveins í vin í gær. gekk vel og allir kátir. ekki síst kátu biskuparnir úr hafnarfirði. þar sem þórður er gjaldkeri sko.

katrín júlíusdóttir, alþingiskona, heiðraði samkunduna og lék fyrsta leik.

jebbs, ýmislegt að gerast sko. vantar ekki.

en meira um allt þetta síðar. var í fótbolta og er lúinn og búinn áðí. farinn að lulla. góða nótt.

strákahelgi

helgin fín. var með syni. slógumst og horfðum á hryllingsmynd. þeir spiluðu á gítar og kíktu í playstation. strákahelgi sko.

annars er stjörnuspáin svona:

Krabbi: Bíddu í 10 sekúndur með að svara munnlega, skriflega, rafrænt. Þú gætir séð eftir því sem þú segir, en ekki því sem þú segir ekki.

og áður en 10 sek eru liðnar ýti ég á vista og birta...

fynd og ekkert nema fynd...

ég bara verð að benda fólki á að kíkja á söguna hans björns jóhanns, bjb, hérna til hliðar. þetta er gjörsamlega óborganlegt sko.

http://www.bjb.blog.is/blog/bjb/

auðvitað á maður ekki að gera grín að fólki. þarna er t.d. stúlka sem er ekki sleip í ensku. en reynir sitt besta. þetta er bara of fyndið til að láta eiga sig.

nú, enginn er fullkominn. auðvitað ekki. það er eitthvað að hjá öllum ha. nú, sumir eiga kannski erfitt með að læra ensku, svona til dæmis. sumir eru eitthvað fatlaðir. eða með stórt nef eða stór eyru eða bara hvað sem er.

ég er t.d. nærsýnn og fékk einu sinni smá exem á annan fótinn og..... já. er nærsýnn og fékk einu sinni smá exem á annan fótinn!

björn jóhann er t.d. mesti indælisnáungi, góður og virtur blaðamaður, hefur húmor og á flotta fjölskyldu. en hann er úr skagafirði..... og það sem er svo miklu, miklu verra. Heldur með Liverpool. sem er jú ákveðin fötlun.

kíkið og njótið.....

sú gamla

 

eins og gamla konan sagði:

 

hafirðu ekkert gott um manneskjuna að segja........

þegiðu þá.

betra líf hjá laufabrauðinu

 

Krabbi: Fólk hlýðir þér því skipanir þínar eru svo þokkafullar. Meira eins og þú sért með uppástungur um betra líf.

þetta er stjörnuspáin mín í dag á mbl.is

nenni ekki að segja fólki hvað það á að gera. sjálfur hangi ég í tölvunni og ætla að glápa á mynd fyrir svefninn. á laugardagskvöldi. óskiljanlegt helvíti að maður skuli vera piparsveinn.

hrikalega þokkafullt. algjörlega nýtt og betra líf maður ha.....

en ef einhvern vantar aðstoð má alltaf leita til piltsins. hann hefur svo þokkafullar uppástungur. um betra líf.

kjetbollur og fængsel og afmæli

ætlaði að monta mig af því að hafa eldað kjötbollur með tilheyrandi fyrir sautján manns í morgun, niðrí vin, en hún vinkona mín sem eldaði með mér sá nú um það að mestu. steikti kjötbollur úr þremurkommasex kílóum af einhverju jukki en ég skellti rauðkáli í fjórar skálar, sultu í fjórar, grænum baunum í fjórar og bjó til kartöflustöppu og setti í skálar.

gettu hvað margar.

annars fórum við tveir gúbbarnir á litla-hraun í kvöld að tefla við félaga í frelsingjanum þar. það var að vísu ekki margmenni en býsna góðmennt. skelltum upp móti sem tókst allvel hjá flestum. ekki mér þó.

fararskjótinn var mazdan mín, hin beisaða (á litinn sko). förunautur var enginn annar en hinn káti hafnfirski biskup, lögfræðingur og formaður ungra jafnaðarmanna í hafnarfirði, þórður sveinsson, sem þrátt fyrir að vera engan veginn nógu vinstrisinnaður, er afar góður náungi, duglegur og réttsýnn, svona miðað við jafnaðarmenn, og nýkominn frá grænlandi með fríðu föruneyti.

þess má geta að hann er svipað sterkur í skák og ég, semsagt flóðhestur eins og sagt er. enda var hvorugur okkar nokkuð nálægt því að vinna mótið í kvöld.

man einmitt þegar við þórður, ásamt fleirum, hentumst til og frá í þyt, bátnum hans sigurðar péturssonar ísmanns, á leiðinni frá tasiilaq til kulusuk, pottar og pönnur flugu milli stafna, börn og fullorðnir ælandi í poka og hurðar skelltust á putta ungs hafnfirðings, þá fannst mér hann eitthvað svo hörkulegur og mikill karl í krapi, þarna sem hann stóð ölduna. þetta ljúfmenni. var einmitt að pæla í því hvað væri með manninn...

hann hafði nú ekki vit á að koma því út úr sér, akkurat þá, en sagði mér á leiðinni nú, að þennan dag, rok og rigningardag, þar sem sjó-, jeppa- og flugferð heim á leið beið okkar allra, átti pilturinn þrítugsafmæli. jebbs, sagði ekki orð. kannski fundist það svona erfitt eða eitthvað.

allavega fannst mér erfitt að verða þrítugur sko. en það er langt síðan.......

en ég stakk upp á því að hann boðaði til samkundu þar sem grænlandshópur ásamt venslafólki piltsins myndi gera sér glatt kvöld við öldrykkju og mynda-og sögusýningu frá landinu stóra.

jamm, frá hinu helga landi.

til hamingju með afmælið þórður.

skyldða vera jólahjól. skyldða vera appelsínumarmelaði..

jamm, það er að koma september. ekki bara haust. þrír mánuðir og þrjár vikur til jóla. takk fyrir.

bráðum fara jólahjól og white christmas að heyrast í útvarpinu. takk fyrir.

árið er að verða búið. takk fyrir. svo kemur tvöþúsundogátta.

 

annars ætla ég ekki að detta í makkíntossdollu um jólin eins og oft áður því mér finnst ég vera að breytast í marmelaði. hægt og rólega. magavöðvarnir í feluleik og gömlu dyravarðaupphandleggsvöðvarnir líka. held bara farnir eitthvað. kannski bara til andskotans.

keypti mér kort í ræktina. trimmaði og hoppaði í klukkutíma í gær.

engar stórkostlegar yfirlýsingar en:

ég ætla að léttast smá. breyta marmelaðinu í vöðva. synda slatta og fara allavega einu sinni í viku í fótbolta, sem ég hef reyndar lengi gert. verða aðeins orkumeiri og stinnari. stinni stuð. skyr og gulrætur. bananar og ananas. minna beikon. minna nammi. kannski bara ekkert... nema á laugardögum.

gleðileg jól og farsælt komandi ár tvöþúsundogátta.

þakka liðið. stinni stuð.

40 ár frá því að pabbi fannst – upphaf tilkynningarskyldunnar

 Í dag eru akkúrat fjörutíu ár síðan áhöfnin á Stíganda ÓF eitthvað, sennilega 25, fannst eftir fimm sólarhringa volk í skítköldum sjó lengst norður af Jan Mayen. Þrettán kallar í tveimur gúmmítuðrum og ekkert að éta nema gúmmíbátakex og rigningarvatn að drekka. 

 Stígandi var semsagt 250 tonna síldarbátur að veiðum þarna norðaustur af Jan Mayen og þeir fengu kallarnir eitthvað um 700 tonna kast. Fylltu Sigurbjörgina, stærðar dall og þurftu samt að senda haug í sjóinn aftur. Fullt af bátum allt um kring en hægt og rólega sökk báturinn, að kvöldi 23. ágúst þegar mamma litla átti 27 ára afmæli. Og vélstjórinn hann Valgeir Þór, hoppaði í gúmmíbát ásamt áhöfn allri.

Þegar Sigurbjörgin kom til Seyðisfjarðar, þremur sólarhringum síðar, fannst þeim eitthvað dúbíus að ekkert hafði heyrst til pabba og co og floti íslendinga, eins og hann lagði sig, auk erlendra skipa fór á miðin eins og herfloti til leitar. Hafði björgunarbátana rekið einar 600 mílur í norður og heppni að ekki gerði kulda og skít því þá hefðu ísbirnirnir bara komið og verið með leiðindi. Pabbi segir að bjart hafi verið allan sólarhringinn svona norðarlega og þeim varð ekkert lífshættulega kallt, en svangir voru þeir greyin. 

 Nú, þeir fundust svo eftir fimm sólarhringa og hratt flaug fiskisagan. Varð hálfgerð þjóðhátíð á landinu. Kokkurinn á bátnum sem fann þá bjó til samlokur fyrir svanga drengi og þeim var skellt i hlý föt. Mallinn á pabba var orðinn eins og rúsína og hann sagði mér fyrir löngu síðan að hann hefði verið gjörsamlega sprunginn eftir hálfa samloku, alveg ónýtur bara. 

Jamm, skipið með skipsbrotsmenn sigldi inn Ólafsfjörðinn og voru allir bæjarbúar og nærsveitarmenn viðstaddir. Þegar það lagðist að bryggju spilaði lúðrasveit og fyrirmenn héldu hátíðarræður. Útvarpið á staðnum og alles og eftir miklar serimoníur var áhöfn loks hleypt í land að faðma og kjassa fjölskyldur sínar. 

 Hann pabbi minn hefur nú aldrei gert mikið úr hlutunum, hvorki þarna né yfirleitt öðru og ég man að í útvarpsviðtali sagðist hann aldrei hafa orðið verulega hræddur og ekkert hræddur við að fara aftur á sjóinn. Held samt að svona sitji nú í mönnum, svei mér þá. En það væri sko enginn Ingvar litli bró og enginn Viðar litli bró ef illa hefði farið. Maður er jú ótrúlega þakklátur fyrir að þetta skyldi fara svona vel á endanum, þó maður hafi nú verið með bleyju og snuddu og ekkert fattað í sinn haus, akkúrat þarna. En... þetta var nú upphaf tilkynningarskyldu hér á landi. Sem hefur sennilega bjargað nokkrum mannslífunum. 

 Lifi pabbi minn um ókomin ár. Hann er snillingur. Hann fór bara í berjamó í dag og tíndi 10 kg á árskógsströnd þar sem hann er fæddur og uppalinn. Ekki þó í tilefni dagsins því hann fattaði ekki að það væru fjörutíu ár síðan fyrr en hann sá mynd af sér í lopapeysu sem einhver hafði lánað honum og með blóm í hendi – í sjónvarpinu í kvöld.