lögfræðingar og aðrir fasistar

einhverntíma eignaðist ég tvær ljóðabækur eftir jón þorleifsson. held hann sé snillingur. reiður maður. allavega pirraður. önnur heitir hnútukast. hin öllu yfirvegaðara nafni: á haustmánuðum.

samt er hann pirraður þarna á haustmánuðum.

 

Vort freka alþýðuforystulið,

sem fasistar eru í dulargervi,

stendur vörð um stéttafrið,

við sterkra arðræningja hlið,

og þeim hefur verið gefið grið,

gegn að fá viðbót í sinn kvið,

með undirgefni við auðræðið,

alheimsins versta samfélagskerfi,

sem myrðir og þrælkar mannfólkið,

og mest er þörf á að það hverfi.

 

í "á haustmánuðum" orti hann ægilegan bálk og endaði svo á: ´"úff, ég hef eytt hálfum mánuði af lífi mínu í að yrkja þetta". en það er samt gott að eyða smá tíma ef maður fær útrás sko. pottþétt.

en þarna er líka létt skot á ákveðna stétt:

 

Eftir kynni af Íslendingum,

á því tel ég lítinn vafa,

að allra stétta minnsta menntun,

muni lögfræðingar hafa.

 

seg´ekki meir, seg´ekki meir....

LA BELLE

LA BELLE

Mín er meyjan væna

mittisgrönn og fótnett,

bjarteyg, brjóstafögur,

beinvaxin, sviphrein.

Hvít er hönd á snótu,

himinbros á kinnum,

falla lausir um ljósan,

lokkar háls inn frjálsan.

 

Jónas Hallgrímsson orti. eiginlega fyrir mig sko. þar sem ég er síngúl máttu hafa samband ef þetta passar svona nokkurnveginn.

má samt ekki vera komin úr barneign þar sem ég hef lofað mömmu stelpuhrói, svona í seinnihálfleik. hún á nefnilega ekkert nema kall og syni. og sonarsyni....

nythæsta kýrin í reykjavíkurfjósinu

 "tengsl byggingaverktaka og stjórnmála eru einkennileg fyrirbæri, sérstaklega vegna þess að þau komast á í gegnum prófkjörin. þeir sem taka þátt í prófkjörum þurfa að smala saman miklu fé. í sveitastjórnarkosningum eru þetta mennirnir sem jafnframt munu gefa leyfisveitingar til verktaka. ég veit að verktakar hafa verið mjög rausnarlegir við ýmsa frambjóðendur....ég veit einnig af frambjóðendum sem hafa neitað að taka við fé frá verktökum" 

hó.

langar að deila aðeins viðtali sem var í blaðinu, sem var og hét, nú 24 stundir, á laugardaginn fyrir viku. þar talar hún kolla við snorra frey hilmarsson, leikmyndahönnuð og formann torfusamtakanna.

"miðbærinn hefur mikinn karakter og mikið aðdráttarafl, sem gömul hús eru hryggjarstykkið í" segir snorri og er ekki glaður með að bissnissmenn vilji "rífa gamla draslið" og fylla svo upp í eyðurnar, með hrikalega stórum kössum. hann vill líka meina að með því að fórna gömlu byggingunum og reisa ný, þar sem á að koma að nógu andskoti mörgum fermetrum fyrir, tapist allveruleg viðskiptatækifæri, því "hver nennir að keyra framhjá tveimur verslunarmiðstöðvum til að heimsækja þá þriðju" segir hann og meinar væntanlega magasínið sem björgólfur vill byggja, enda búinn að kaupa hálfan laugaveg og líka hverfisgötuna.

í london til dæmis eru viðskiptajöfrar að eyða gríðarlegum peningum í að byggja upp húsin við regent street og sjá viðskiptatækifæri í að halda við hinu forna lúkki, fremur en henda upp nýjum húsum.

snorri freyr, sem virðist nú fremur ungur maður, segir einmitt að hann hafi sem drengur fengið gríðarlegan áhuga á bernhöftstorfunni og verndun hennar, en það voru sko öfl, ekki fyrir svo löngu, sem vildu "gamla draslið" burt og byggja nýtt (þannig að þá væri fullt af moggahúsum þarna niðurfrá).

sjitt, segi ég bara, ef það hefði gerst. þessi hús setja svo sannarlega skemmtilegan svip á bæinn og nú, sérstaklega eftir brunann þarna niðurfrá, hafa komið ýmsar hugmyndir um miðbæinn og hvernig hægt er að splæsa saman gömlu og nýju með bara býsna glæstum árangri. snorri er ánægður með þróun í þá áttina og ég líka. fatta ekki alveg þetta með að rífa og tæta eins og hægt er til að byggja fimm hæða verslunarhúsnæði þarna. halló, eru allir að tapa sér, ennþá ha?

geri orð snorra bara að mínum þegar hann segir: " ég vil sjá miðborg þar sem menn vinna með þær menningarlegu forsendur sem eru í borginni... við þurfum að ná áttum og skapa heildarsýn. við þurfum að hrökkva frá þeim hugsunarhætti að gamla bænum þurfi að skipta út fyrir nýjan. besta og verðmætasta uppbyggingin er sú að vinna með gamla bæinn en líta ekki á hann sem hreppsómaga. hann er nythæsta kýrin í fjósinu."

 

var fyrir austan, á leiðinni vestur.... bráðum

 

skrapp á hraunið í gær að tefla. skíttapaði.

skrapp svo á íslandsmót skákfélaga í rimaskóla. var ekki með sem betur fer. vinna í máli og menningu um helgina. nýhilsliðið las upp ljóð í dag á íslensku og erlendum tungum meðan ég seldi hello og vikuna og séð og heyrt og blýanta.

skrapp svo með stefáni herberts, félaga, í rimaskóla seinnipartinn að sjá erlenda stórmeistara og íslenska  stórmeistara, börn, unglinga og svona 400 aðra að tafli. skelltum upp fimm mínútna fundi nokkrir milli leikja (það er svo skuggalega langur umhugsunartími, maður) og plönuðum.

hvað? jú, grænlandsreisu í desember auðvitað....

hjarta frá frænku

þessi kemur frá ingibjörgu guðrúnu, frænku minni. hún er síngúl. ég er síngúl. þegar annaðhvort okkar fer í einhvern blús yfir því þá hringjumst við á og fáum stuðning í því hvað það sé einmitt æðislegt að vera síngúl sko. við erum í peppliði hvors annars og stöndum okkur svona helvíti vel...

 1. japanir borða mjög litla fitu og fá mun færri hjartaáföll en bandaríkjamenn og englendingar.

2. frakkar borða mikla fitu og fá mun færri hjartaáföll en bandaríkjamenn og englendingar.

3. japanir drekka mjög lítið rauðvín og fá mun færri hjartaáföll en bandaríkjamenn og englendingar.

4. ítalir drekka mjög mikið rauðvín og fá mun færri hjartaáföll en bandaríkjamenn og englendingar.

5. þjóðverjar þamba bjór og háma i sig pylsur og fá mun færri hjartaáföll en bandaríkjamenn og englendingar.

Niðurstaða: borðaðu og drekktu allt sem þig langar í. forðastu að tala ensku.

 

á tónleikum.. eiginlega tveimur

ingvar valgeirsson, stundum nefndur ingveldur, þó ekki akkúrat nú því hann er ágætispiltur, akkúrat nú, hringdi tvisvar í mig í kvöld. hann sagði ekki orð. ég sagði ekki orð. hann var á wembley. ég var fyrst heima og svo í bílnum. hann var á tónleikum með RUSH. og ég hlustaði í beinni. gaman saman....

 

Annars var alþjóðlegur geðheilbrigðisdagur í dag. var á ráðstefnu í ráðhúsinu. hljóp svo upp á palla því það var heitur fundur hjá borgarstjórn. fullt af fólki og fullt af fréttamönnum. fór svo í hallgrímskirkju í kvöld en þar var minningarstund um þá sem fallið hafa fyrir eigin hendi. svo var gengið niður á tjörn og kertum fleytt. þetta var falleg stund, bæði í kirkjunni þar sem séra birgir ásgeirs sagði nokkur orð og diddú söng. líka við tjörnina. fleytti kerti fyrir mig því ég þekkti nokkra sem fóru fyrir eigin hendi. fleytti kerti fyrir jónasínu sem var hjúkka þegar ég vann á geðdeild. sonur hennar og vinur minn, hann guðni, tók líf sitt fyrir nokkrum árum. góður piltur.

munið: það er engin heilsa án geðheilsu.

stjörnuspáðu í mig og þá mun ég stjörnuspá í þig

jamm. nú er það stóra stundin. sjá hverjir eru raunverulegir VINIR. sjá hverjir eru svona kunningjar. og sjá hverjir gefa sjitt...

Krabbi: Ef þú hefur ekki stuðningslið í kringum þig, þá er núna tíminn til að fá sér eitt. Hvatning frá nokkrum vinum virkar eins og plástur á litla (eða stóra) sárið á sálartetrinu.

algjör víkingur hann gunnar freyr

 

Gunnar Freyr Rúnarsson, fyrirliði hins nýstofnaða Víkinga- og Kínaskákklúbbs, vann glæsilegan sigur í hraðskákmóti Hróksins og skákfélags Vinjar í tilefni alþjóðlegs geðheilbrigðisdags í Perlunni, sunnudaginn 7. október.Þátttökumetið var jafnað, 38 skráðu sig til leiks og var mótið bæði stórskemmtilegt og spennandi en keppendur voru á aldrinum 8-72 ára. 

 

Þegar þátttakendur höfðu skráði sig hjá skákstjóranum honum Kristian Guttesen, hélt Guðfríður Lilja Grétarsdóttir, forseti Skáksambands Íslands, stutt ávarp og setti mótið formlega. Heiðar Ingi Svansson, markaðsstjóri Forlagsins, sem gaf glæsilega bókavinninga á mótið, lék svo fyrsta leikinn í á fyrsta borði þar sem Páll Andrason, þrettán ára gamall heimsmeistari í grunnskólaskák með Salaskóla, var með hvítt.

 Tefldar voru sex umferðir eftir monradkerfi, þar sem umhugsunartími var 7 mínútur. Mikil spenna var í lokaumferðinni, þar sem nokkrir höfðu möguleika á sigri en svo fór að Gunnar Freyr var í ógnarstuði og sigraði alla sína andstæðinga.

Fjórir voru með fimm vinninga en eftir stigaútreikning var ljóst að annað sætið hreppti Stefán Bergsson.  

Þar á eftir komu svo Vilhjálmur Pálmason, Davíð Kjartansson og Daði Ómarsson. 

 Fjóra vinninga hlutu: Jónas Jónasson, Hrannar Jónsson, Jóhanna Björg Jóhannsdóttir, 

Sigurður Ingason, Elsa María Þorfinnsdóttir og Ágúst Gíslason.

Í humátt þar á eftir, með þrjá og hálfan komu þau Guðfríður Lilja Grétarsdóttir, 

Bjarni Jens Kristinsson og Guðmundur Kristinn Lee.

Veitt voru verðlaun fyrir bestan árangur 12 ára og yngri og þau hlaut

 Guðmundur Kristinn Lee. Viljálmur Pálmason sem hafnaði í þriðja sæti mótsins hlaut 

verðlaun fyrir bestan árangur 13-18 ára, Finnur Kr. Finnsson fyrir bestan árangur 60 ára 

og eldri og Jóhanna Björg Jóhannsdóttir sem varð efst kvenna.

Grænn markaður gaf blóm til vinningshafa og svo var dregið í happadrætti 

þar sem fjórir þátttakendur hrepptu bækur í boði Forlagsins, sem einnig gaf 

yngru þátttakendum og áhorfendum Andrésblöð og – syrpur.

Fjöldi manns lagði leið sína í Perluna í dag því Fyrir mót var glæsileg dagskrá þar sem verndari dagsins, frú 

Vigdís Finnbogadóttir hélt ræðu, tailenskur dansflokkur kom fram sem 

og magadansmeyjar, Regnbogakórinn söng nokkur lög og Tríótó lék nokkur lög.

 Þráinn Bertelsson hélt sérlega flotta ræðu um sína sýn á geðheilbrigði

 og stuðboltinn Valgeir Guðjónsson hélt utan um dagskrána og kynnti af snilld.

Perlan, hátíð sunnudag

langar til að benda fólki á skemmtun í perlunni. dans og söngur og...... SKÁKMÓT

Hraðskákmót í Perlunni sunnudaginn 7. október. Í tilefni alþjóðlegs geðheilbrigðisdags halda Hrókurinn og Skákfélag Vinjar hraðskákmót í Perlunni, sunnudaginn 7. október kl. 16:00. Heilmikil dagskrá verður í Perlunni fyrir mót, tónlist, dans, ræðuhöld og myndlistarsýning og hefst hún kl. 14:30. Þátttaka í mótinu er ókeypis og öllum heimil. Glæsilegir vinningar i boði Forlagsins. Veitt verða verðlaun fyrir: bestan árangur 12 ára og yngri,bestan árangur 13-18 ára,bestan árangur kvenna,bestan árangur 60 ára og eldri.Að sjálfsögðu eru veglegir bókavinningar fyrir þrjá efstu þátttakendur í mótinu og auk þess fá allir yngri keppendur Andrésblöð eða –syrpur. Einnig verður happadrætti þannig að allir eiga möguleika á glæsilegum vinningum.  Teflt verður eftir monrad kerfi og skákstjóri er Kristian Guttesen. Tvö sl. ár hefur mótið verið haldið í Ráðhúsi Reykjavíkur en eins og fyrr segir er það nú í Perlunni. Tæplega 40 manns voru með í fyrra og auðvitað er stefnt að því þátttakendur verði enn fleiri í ár.  Félagar í skákfélagi Vinjar og Hróknum hvetja allt skákáhugafólk á öllum aldri til að vera með.

dagskrá fyrir mótið: Frú Vigdís Finnbogadóttir, verndari dagsins, flytur ávarp.

Tríótó flytur lög: Óskar Guðjónsson, Ómar Guðjónsson, Tómas R. Einarsson.

Regnbogakórinn, svo tailenskur danshópur.

Frummælandi: Þráinn Bertelsson.

Magadans, já, magadans...... og kynnir á hátíð er stuðboltinn Valgeir Guðjónsson.

MÆTIÐ ALLE SAMMEN.

ingveldur, eiki haux og aðrir írakar

fór í bíó, á kvikmyndahátíð sko. meeting the resistance, um uppreisnarfólk í írak. gegn hverjum? ghanabúum? neibbs, könum auðvitað. held barasta að myndin sé gerð af tveimur könum, kalli og tjellingu sem fóru að kanna þetta mál og margir voru til í viðtöl, en sást reyndar ekki í hausinn á þeim. þetta er náttúrulega þvílík skelfing þarna og kanarnir ekki sýndir sem englabossar. þó maður sé nú ekki alveg alltaf sammála allahfólkinu þarna austurfrá þá ber ég virðingu fyrir þeim sem berjast með kjafti og klóm fyrir land sitt. súnnítar og sjítar, fjandvinir, sameinast þarna gegn þvílíkum yfirgangi að maður fær bara pjúk í hálsinn.

það var í desember 2003 sem einhver virðulegur býrókrati og repúblikani með blátt bindi sagði: "ladies and gentlemen, we´ve got him" og átti við saddam kallinn. en þetta átti víst að ganga út á það semsagt. og liðið er þarna enn. og það er sko stríð. busharinn er ennþá að fría írakana sko....

en lufsaðist svo á djöflíners þar sem ingvar lillibró og ingi valur, kenndur við tónabúðina og kenndur við sixties, þó ekki kenndur þvi hann drekkur ekki lengur brennivín, spiluðu og sungu. þarna var ekkert sérstaklega fjölmennt en þó nokkuð góðmennt. eiki sem las í lófa sínum að... og svo gulli gítarhetja falk, járnabindingamaðurinn vígalegi sátu þarna og þjóruðu og bjóruðu ásamt fleirum. gulli er semsagt i tveimur grúppum núna, dark harvest sem hann segir að sé svona melódískt þungarokk, en aðrir myndu segja að væri álíka metall og blikksmiðja full af gaddavírsrúllum, og svo audio nation, sem hann segir að sé rólega bandið, en aðrir myndu segja að væri melódískt þungarokk....

en toppurinn var að ég trillaði inn akkúrat þegar pétur örn, kenndur við jesú hér áður fyrr og nú kenndur við endurvinnslu, og matti, kenndur við konuna sína.... og líka papana, spiluðu og söngluðu glæsilega the wizard með uriah heep, sem er jú akkúrat, uppáhaldslagið mitt sko.

annars hef ég séð fjórar myndir á kvikmyndahátíð á fjórum dögum, fyrst screamers sem ég hef pikkað um, svo import-export um frekar ömurlegt líf úkraniskrar hjúkrunarkonu sem fer til austurríkis, og frekar ömurlegt líf austurrísk öryggisvarðar sem flytur til úkraníu, nú eða úkraínu.... bæði falleg mynd og ljót og situr í manni. í gær sá ég hinsvegar myndina steypa, um unga íslenska nútímalistamenn og var það stuð.

jamm, steypa, hjúkka, írakar og armenar, gaddavír og ari scroeder sem ég hitti fyrir utan amsterdam. ekki skrýtið því hann á staðinn bara held ég. svei mér þá alla daga...