Búnir áðí

Jæja, tónleikarnir búnir, ég líka og piltarnir sofnaðir enda allir finídó sko. Uriah Heep voru flottir, rokkuðu feitt, voru reyndar allir orðnir feitir og flottir enda komnir við aldur. Fíla Uriah Heep. Purple voru voða mikið að leika sér, með ungan og úberflinkan gítarleikara, Steve Morse, ef ég man rétt og hljómborðsleikarinn er útlærður píanókall svo þetta var klassísk stemning á milli. Gillan stóð sig vel miðað við aldur en hann var eins og hengdur upp á þráð þegar hann tók háu tónana, kallkvölin.

En mér fannst gaman, drengjunum fannst ofsagaman og hinum fimmþúsund hoppandi og organdi gestum, frá fimm ára og upp í eitthvað mikið fannst greinilega svakagaman. Tilganginum náð en maður spreðaði í boli og plötur og svona. Tilgangi náð hjá sölufulltrúum.

Annars var ég í Mál og menningu í morgun, til fjögur. Það vissu greinilega ekki margir af því að það væri opið, bara útlendingar sem ráfuðu inn og keyptu póstkort. Brjálað í gær, dapurt í dag. Svona er þetta og svo verður maður að stadistast á morgun í mynd Sólveigar Anspach. Mireya er að aðstoða hana og þær eru báðar frábærar. Maður á alltaf að hjálpa vinum sínum sko.

Athugasemdir

[Ingvar Valgeirsson, 28.5.2007 kl. 13:55]

Já, Arnljótur, þessi "ungi" gítarleikar Purple er jafngamall átrúnaðargoði þínu, Steingrími J. Sigfússyni. Híhíhí.

Jú, annars var gaman. Eiginlega svakastuð.

[arnar valgeirsson, 29.5.2007 kl. 21:54]

sammála þér friðrik. en þetta var gaman og mér fannst líka sérlega gaman að piltar mínir, fjórtán og ellefu, sungu með og fíluðu sig. ekki lengur 50 cent og svoddan veðbjóður.... og svo ertu að missa af móti í vin á mánudaginn. ef þú kemur í bæinn er það kl, 13 að Hverfisgötu 47 og 20 vinningar komnir í hús.