konan í sólinni

 

fór í austurbæjarskóla í kvöld. á samfés.

undankeppni fyrir úrslit sem verða síðar í laugardalshöll.

kynnir var m.a. kári binnason, sálfræðings sem heitir fullu nafni binni djöfull. eða kannski brynjar þór emilsson. og líka sonur eyrúnar. ef hann er rétt mæðraður.

þrettán lið/hljómsveitir/söngvarar úr hlíða-, háteigs- og austurbæjarskóla og bara einn hópur/söngvari sem kemst í úrslitin.

áttundi, níundi og tíundi bekkur semsagt, unglingastig.

var einn algjörlega örfárra foreldra og lét sko atla ekki vita að ég kæmi svo hann færi ekki í mínus. hann er í áttunda bekk og steig fyrstur á svið með gítarinn sinn, ásamt gumma vini sínum og gítarnum hans og tveimur skólasystrum sem sungu lagið "konan í sólinni" sem atli samdi en þær sömdu texta við. held það hafi verið eina frumsamda lagið og það sérstaklega fyrir keppnina. kallinn í tunglinu bjargaði semsagt konunni í sólinni!

þau stóðu sig frábærlega og voru sennilega yngst og væntanlega minnst líka. svo kom lið sem var hálffullorðið fannst manni enda orðið fimmtán....

þetta var æfing fyrir næsta ár hjá þeim og ekki léleg æfing því þau fengu glimrandi ummæli frá dómurum en þar fór fremstur bóas í hljómsveitinni "reykjavík!." hvött til að halda áfram og taka aftur þátt. urðu í fjórða sæti af þessum þrettán.

hafði ekki heyrt lagið áður og er stoltur af stráknum. reyndar asskolli stoltur af hinum eldri líka sem þó kom ekki þessa helgina enda í leiklistinni í skólanum sínum, fsu. og er farinn að læra heima líka. og ná prófum með glans.

komst ekki áfram í idol en reyndi þó. meira en ég hefði þorað.

flottir dúdar og eins gott fyrir þá líka. eiga að sjá fyrir mér þegar ég er orðinn gamall. eða eldri. og meira hrumur. og meira krumpaður.

Athugasemdir

[Jón Arnar, 24.1.2009 kl. 01:43]

loksins fannstu

[Jökull Logi (IP-tala skráð) 24.1.2009 kl. 17:54]

og ég var einnig hvattur til að koma aftur, sem var á sinn hátt, tja, mjög kjánalegt, haha.

[Emma Agneta Björgvinsdóttir, 26.1.2009 kl. 01:01]

Til hamingju með strákinn þetta er ekkert smá flottur árangur

[Magnús Geir Guðmundsson, 26.1.2009 kl. 20:16]

Jamm, flott hjá Addasyni og ekki skemmdi heldur fyrir að Leedsarar unnu um helgina!

Svo er Steingrímur frá Gunnarsstöðum á leið í valdastól að nýju, hlýtur bara að vera í sjöunda himni!

Hef hins vegar smá áhyggjur af Ingvari, spurning hvort hann verði nú ekki grár og krumpaður á undan þér!?

[arnar valgeirsson, 26.1.2009 kl. 21:12]

hann er grár, krumpaður og stjórnmálalega þroskaheftur. en að sumu leyti ágætispiltur.

hann gengur í vinstri græna þegar davíðsþrælslundin hverfur.