fimmtíuogein

 

var að fara að skrifa harðorða grein um bankahrunið, gjaldþrot landsins og ábyrgð ríkisstjórnarinnar þegar ég ákvað að hringja í ingvar bróðurómynd og minna hann á litla afmælisveislu um helgina -  ég á ekki afmæli sko, gleymi hér eftir markvisst hverju árinu sem bætist við.

átti að taka tvær mínútur en tók fimmtíuogeina. við ræddum um bankahrunið, gjaldþrot landsins og ábyrgð ríkisstjórnarinnar og vorum ekki alveg sammála enda fær hann það í hvert sinn sem maður segir davíð. held að ingvar sé sofnaður því ég sagði davíð allavega fimm sinnum.

en ingvari tókst nú samt að koma tveimur börnum í háttinn á þessum tíma og gefa edda stúf pela, eða sennilega brjóst þó hann segði pela, og hélt uppi vörnum fyrir geir. já og davíð. meira að segja árna en ekki fyrir sollu og björgvin.

mér þykir leitt að viðurkenna það að ég hafi hangið í farkíng símanum í fimmtíuogeina mínútu, jafnvel þó þetta hafi verið allskemmtilegt enda fór það að lokum þannig að drengurinn spurði hvort þetta hefði orðið eitthvað betra ef aðrir hefðu verið við stjórn.

og svarið var auðvitað já. asnaleg spurning.

Athugasemdir

[Ingvar Valgeirsson, 26.11.2008 kl. 21:40]

Spurningin var góð og gild. Það var svarið þitt sem var asnalegt...

:)

Annars fannst mér þetta skemmtilegt símtal. Eyddi meiri tíma í símanum en alla vikuna hingað til alveg til samans. Þó vinn ég helling í símanum.

[Pálína Ásbjörnsdóttir, 28.11.2008 kl. 17:53]

Haha....þessi lýsing á samtali ykkar er klikkuð:) .  Þegar sagt var Davíð......ég ætla að taka eftir skólabróður mínum sérstaklega hér eftir, ég meina, hann mátti velja sér ritgerðarefni og hann valdi Davíð ! af öllu í heiminum .

Mun grandskoða svipbrigði hans hér eftir þegar davíð ber á góma, ekkert að marka svona símasex......:)