ljót meðferð

 

æ, ástæðan fyrir þessu röfli er ekki glitnir og co og allt á hausinn hjal, en ég er samt svolítið pirraður á því hvernig farið er með börn og mér fannst eins og breiðuvíkurdæmið væri komið enn og aftur, bara á höfuðborgarsvæðið...

en, ég þekki semsagt nokkra dúdda sem voru í breiðuvík eins og ég hef sagt, og engum þeirra farnaðist beint vel eftir það, þó misilla og einhverjum þokkalega.

man þegar ég spurði einn, sem ég get nánast kallað vin, allavega kunningja, hvernig hefði verið þarna sagðist hann bara fá í magann...

en þessi kunningi minn sagði mér semsagt að hann hefði nú hitt einn breiðuvíking, sem hefði verið ágætur, ekkert vondur við hann eins og margir, og þeir fóru að spjalla. þessi náungi semsagt hafði menntað sig og vann líkamlega erfiða vinnu, en fór samt með mannaforráð og var dugnaðarforkur. kunningi minn var ánægður með hann.

og ég spurði hvort sá hefði komið sér upp fjölskyldu.

"ég spurði hann einmitt að því en hann sagðist ekki hafa viljað eignast börn í þennan harða heim".

 

en ég var að fara í gegnum blöðin og þar kemur m.a. fram að tafir á máli mannsins sem sakaður er um vanrækslu og líkamsmeiðingar á þremur börnum sínum, stöfuðu vegna álags og var tekið upp að nýju þegar blöðin komust í málið.

gunnhildur arna gunnarsdóttir hjá 24 stundum skrifar pistil og segir að börnin hafi verið illa hirt og vannærð, faðirinn beitti þau miklu líkamlegu og andlegu ofbeldi, hótaði þeim með loftskammbyssu, aflífaði gæludýrið þeirra og stillti einu barnanna upp við skotskífu og kastaði að því hnífum. einn fór í lærið.

ættingjar barnanna (hefur komið fram að faðirinn segir fyrrum konu sína, sem er í neyslu vera að hefna sín á sér) reyndu að gera eitthvað í málinu en þar sem um kynferðislegt ofbeldi var ekki að ræða þá gekk það ekki vel. en fyrir harðfylgi barnaverndarnefndar, gekk það að lokum.

börnin verða enn skelkuð þegar minnst er á héraðsdóm, þar sem þau voru yfirheyrð. ekki voru þau boðuð í barnahúsið þar sem aðstaðan er allt önnur og betri. þegar börnin höfðu loksins, eftir þrjú ár í gíslingu ofbeldis og niðurbrot, sagt frá þessu grátandi, voru þau send heim.

SEND HEIM....

kemur fram að þau voru lafhrædd þá nótt. halló, þetta eru börn. er ekki allt í lagi???

voru reyndar sótt daginn eftir til föðursins sem væntanlega er eitthvað lasinn á sinni þar sem hann vitnar ótt og títt í hitler, bush og biblíuna sem hann virðist kunna utanbókar og fer eftir.

nema kannski þetta með ofbeldið gegn börnum sínum (sem sosum fyrirfinnst jú þar líka).

 

æ, mér finnst þetta bara alltsaman ömurlegt, las bókina um breiðavíkurdrengina, sá myndina og hef líka gist þar. en það var reyndar mjög indælt.

börnin eru nú hjá ættingjum. margir breiðavíkurdrengjanna lentu í mikilli óreglu og dvöldu í fangelsi. nokkrir hafa gert það gott, náðu að mennta sig þó grunninn hefði algjörlega vantað.

alltof margir frömdu sjálfsvíg.

Athugasemdir

[Bullukolla, 30.9.2008 kl. 23:29]

Sorglegt og ekki laust við að maður skammist sín . . . já bara fyrir að vera til

[Erla (IP-tala skráð) 1.10.2008 kl. 21:10]

Já! Þetta er ljót meðferð!  Maður veltir því fyrir sér hver sé skýringin á því að börnin fengu ekki yfirheyrslu í Barnahúsi.... vil ekki trúa því að líkamlegt og andlegt ofbeldi sé litið mildari augum en kynferðislegt.. Bara get ekki horfst í augu við það. Það segir sig sjálft að ofbeldi gagnvart börnum er ALDREI aldrei í lagi. Börn eiga aldrei nokkurntíman að þurfa að upplifa hræðslu. Eins verð ég brjáluð af því einu að þetta mál skuli hafa dagað uppi vegna anna eða einhvers annars hjá kerfinu. ..og getur ekki gert annað en vonað að það sé einsdæmi...  þó mig gruni raunar það gagnstæða því miður.

[Anna Einarsdóttir, 4.10.2008 kl. 13:49]

Ef Jón myndi berja og misþyrma Karli, gætir þú þá séð fyrir þér að eftir yfirheyrslu væri  Karl sendur aftur til Jóns og skipað að vera í návist hans næsta sólarhringinn ?

Nei, fráleitt.  En sambýliskonur og börn misyndismanna þurfa stundum að finna sig í þessum fáránlegu aðstæðum.  Hugsanavilla hjá þeim er setja reglur í þessu þjóðfélagi.

[Guðríður Pétursdóttir, 5.10.2008 kl. 20:00]

karlar verða sko líka fyrir andlegu ofbeldi ekkert síður heldur en konur.. þeir eru kallaðir kúgaðir en þetta er oft bara pjúra ofbeldi...

það getur ekki verið auðvelt að komast upp úr einhverjum svona vítahring sem þessi sambönd geta orðið.. það sem ég skil ekki er hvernig nokkur aðili sem á börn getur afsakað að halda áfram svona sambandi..

hver getur vísvitandi látið börnin sín ganga í gegnum svona viðbjóð..