Hvítasunna og kvæði við

 

Sigrún Björnsdóttir, kölluð Obba: til hamingju með daginn...

Hún Sigrún Björnsdóttir, kölluð Obba, er sko mamma mín. Og í dag er mömmudagur.

En þar sem það er líka Hvítasunnudagur, háheilagur, þó ég hafi verið að vinna í bókabúðinni í dag - og seldi reyndar slatta af mæðradagsgjöfum sem og fermingargjöfum - þá set ég inn eitt lítið og sætt kvæði af trúarlegum toga.

Hefur það einhverntíma verið sungið við jarðarför???

Textinn er eftir Gunnar Ægisson.

 

Svartir sauðir glatað fé,
týndur hirðir, háð og spé.
Kirkjan öll úr plasti er,
kross úr áli, Kristur úr tré.

Biblían á míkró-filmu,
tölvustýrðar hugvekjur,
boðskapurinn rúllar eins og valtari.
Jón, - Jón pönkari þjónar fyrir altari.

Sóknarbörnin sitja í leðurstólum
með stillanlegu baki og dæsa við.
Bryðja saltkex, smella fingrum
í takt við innbyggt diskóið.

Jón er í steik, hvað á hann að segja,
hverju má hér bæta við.
Liðið ropar, strýkur um kviðinn
Jón, Jón, Jón, Jón pönkari þjónar fyrir altari.

Orð hans mælast óðar illa fyrir,
hann svívirðir okkur, ég segi það með,
hann rakkar niður samfélagið,
öryggi, tekjur og fasteignaveð.

Neglum hann, neglum hann fastan á krossinn
og brosum meðan honum blæðir út.
Dauðans gefum honum kossinn
Jón pönkari hangir fyrir altari.

Athugasemdir

[Haraldur Davíðsson, 13.5.2008 kl. 03:42]

Í mínu jarðarfjöri verður aðeins spilað eitt lag; komdu og skoðaðu í kistuna mína, í útfærslu Megasar.

[Ingvar Valgeirsson, 13.5.2008 kl. 11:40]

Eða Farin með Skímó...

Sjálfur myndi ég þiggja Closer to the Heart með Rush. Biðja strákana í Dúndurfréttum að spila það fyrir mig, ég skuli bjóða þeim út að borða þegar og ef við hittumst aftur.

Þú hefur það bak við eyrað, Arnljótur minn. Gott að þú hafir þetta ef fallhlífin opnast ekki eða ég festi hreðjarnar í mismunadrifi.

[Þóra Kristín Ásgeirsdóttir, 13.5.2008 kl. 14:22]

Fínt ljóð, hef ekki heyrt það í jarðarförum, en stunda þær satt best að segja ekki. Ég ætla að láta spila Final count down hjá mér.

[Helgi Már Barðason, 14.5.2008 kl. 15:29]

Er hún Obba mamma þín? Ja, hérna, svona veit maður lítið!

[J. Einar Valur Bjarnason Maack , 14.5.2008 kl. 16:00]

Ég hef alltaf stefnt ljóst og leynt að 'Ne je ne regrettez' sem Edith Píaf söng og 'Shine on you Crazy Diamond' með Pink Floyd.

Annars væri 'If you don't know me by now' með Simply Red líka í góðum fíling. 

[J. Einar Valur Bjarnason Maack , 14.5.2008 kl. 16:01]

Fyrirgefðu, það heitir 'Je ne regrettez/rien de rien'.