í tuttugu stiga gaddi með frosið nef í föðurlandi

 

Hrókurinn á 70. breiddargráðu.

Þann 12. mars nk. fer fjögurra manna hópur á vegum Hróksins til nyrsta byggða bóls Austurstrandar Grænlands, Ittoqqortoormit, öðru nafni Scoresbysund.Í samvinnu við hið kornunga skákfélag á þessum ríflega 500 manna stað, Tårnet (Hrókurinn), verður skákkennsla í grunnskólanum á staðnum, auk þess sem í það minnsta þrjú skákmót verða haldin.

 

  Fyrir réttu ári síðan fór þriggja manna leiðangur þarna norðureftir og tókst ferðin í alla staði vonum framar. Börnin tóku hinu íslenska skákfólki opnum örmum, enda ekki um margt að vera í páskafríinu þar sem staðurinn er mjög einangraður, 800 km í næsta bæ sem er Kulusuk og ívið styttra að fara til Íslands.Peter von Staffeldt, skólastjóri grunnskólans, hefur lofað að hafa skólann opinn fyrir skáklistina þó börnin verði komin í páskafrí og þeir Knud Eliasen, formaður Tårnet og Jörgen Thomsen, stjórnarmaður og sérlegur aðstoðarmaður Hróksmanna, eru farnir að undirbúa komu ferðalanganna.

 

Heiðursfélagi Hróksins númer ellefu, Paulus Napatoq, blindur fjórtán ára piltur, verður að sjálfsögðu heimsóttur, en hann lærði að tefla í fyrra. Drengurinn er algjör snillingur og fer sinna ferða á hundasleða á veturna en á hjóli á sumrin og lætur sjónleysi ekki aftra sér frá því að taka fullan þátt í lífinu í Ittoqqortoormiit.   Þetta er tólfta ferðin til Grænlands á vegum Hróksins, þar sem skákgyðjan er kynnt innfæddum og samstarf landanna styrkt. Fyrsta ferðin var fyrir fimm árum síðan til Qaqortoq á sunnanverðu Grænlandi, en síðan þá hefur Hrókurinn einbeitt sér að austurströndinni þar sem lífið er nokkru harðara fyrir innfædda auk þess sem félagsleg vandamál eru töluverð og atvinnuleysi umtalsvert.Svona ferðir eru ekki mögulegar nema með hjálp einstaklinga og stuðnings fyrirtækja, en Flugfélag Íslands hefur frá fyrstu ferðinni, árið 2003, stutt dyggilega við Grænlandsferðir Hróksins. Klæðning ehf studdi ferðina glæsilega að þessu sinni og Glitnir, Henson, Húsasmiðjan og Borgarleikhúsið sjá til þess að allir fái glæsilega vinninga, bikara og verðlaunapeninga. Öll börnin í bænum fá einnig páskaegg frá Góu.

 

Leiðangursmenn að þessu sinni eru þeir Robert Lagerman, Þórður Sveinsson, Andri Thorstensen og Arnar Valgeirsson, en allir hafa þeir tekið þátt í Grænlandsverkefni Hróksins undanfarin ár. Munu þeir setja inn fréttir á Grænlandssíðu Hróksins, www.godurgranni.blog.is

og kíkið á það, jebbs

og líka. búinn að sjá rambó. jamm, við jökull kíktum á piltinn. bjútífúl mynd fyrir saumaklúbba.

Athugasemdir

[Þóra Kristín Ásgeirsdóttir, 12.3.2008 kl. 14:57]

Ha de bra, og passaðu þig nú á þessum stóru hvítu :)

Ble

[Guðríður Pétursdóttir, 12.3.2008 kl. 19:35]

Skemmtu þér vel

spes að vera blindur en samt geta hjólað..

[Ása Hildur Guðjónsdóttir, 13.3.2008 kl. 15:01]

Góða skemmtun í kuldanum, frétti að þú hefðir komið heill á húfi út.