... allavega kátir...

 

jebbs, tók mína fyrstu skák á íslandsmóti skákfélaga í kvöld. ætlaði bara að kíkja við en var vélaður því það vantaði mann. kátu biskuparnir sko, hinir hafnfirsku sem eru langneðstir í annarri deild. og deildirnar eru fjórar.

vorum á móti haukum b. félagi minn hann aðalsteinn sem er miklu miklu betri en ég teflir með haukum d......

en ég barðist eins og mús í baráttu við kyrkislöngu. spriklaði og sparkaði og beit. en var étinn á endanum.

dúddinn með 2100 elo stig sem er um það bil tvöþúsundogeitthundrað stigum meira en ég er með. maður er ekkert að byrja á botninum og vinna sig upp. byrjar bara á toppnum og vinnur sig niður sko.

skutlaði svo honum þórði forseta kátu biskupanna á hljómsveitaræfingu. hann gleymdi bara að segja að það var á völlunum í hafnarfirði. sem er rétt við keflavíkurflugvöll. en hann verður að æfa sig að syngja pilturinn, enda troða þeir upp í afmæli á morgun skilst mér.

félag þungra jafnaðarmanna í hafnarfirði og vinir þeirra. veit ekki hvað ég er að þvælast með þessu miðjumoðsliði.

Athugasemdir

[Ingvar Valgeirsson, 1.3.2008 kl. 11:18]

Hvað ætli Jeff Lynn sé með mörg Elo-stig?

[arnar valgeirsson, 1.3.2008 kl. 17:22]

hann hefur örugglega náð að hala inn slatta af fullnaðarsigrum á þessum tíma. þó ekki jafn mörgum og gene simmons....

giska á 150 elo stig

[Marinó Már Marinósson, 2.3.2008 kl. 13:19]

Flottur ertu félagi.     Það er greinilega ekki hægt að máta þig þegar þú ert beðinn að hlaupa í skarðið.

[Gunnar Freyr Rúnarsson, 2.3.2008 kl. 13:34]

Ekki gefast upp strákar.  Mætið í þriðju deildina næsta haust. Í deildina sem við í Víkingum ætluðum að vera með.  Við komust bara ekki upp.  Ekki í þetta skiptið.  En ef þið eruð leiðir þá sameinumst við bara í eina sterka.  Sameinaðir stöndum vér og sundraðir föllum vér osf...skákkveðja