lestur jólanna hér á bæ

 

jamm, hóf drápslestur í gær og sýnist gömlu leiðindahjónin ekki hafa verið einu fórnarlömbin í tönned. sem er verra. en ég leysi gátuna, ekki spurning.

  hinsvegar las ég yfir hátíðarnar bók sem var nú sosum engin jólalesning, enda tók ég bókina í áföngum. breiðavíkurdrengur, þar sem páll rúnar elíasson skráir barnæskuna fyrir vestan með aðstoð félaga síns, bárðar ragnars jónssonar.

 ég sá myndina syndir feðranna í bíó fyrir nokkru og eins og fram hefur komið kannast ég við sjö manns sem voru þarna. engum þeirra hefur beinlínis vegnað vel í lífinu, sumum þó verr en öðrum.

  myndin var sýnd í sjónvarpinu á nýársdag og margir vildu ekki sjá, enda kemur þetta við mann. held þó að allir ættu að kíkja á myndina sem er mjög vel gerð hjá þeim besta og ara alexander. engin skemmtun en holl áminning. því miður á kostnað saklausra barna.

þegar tíu ára piltum er misþyrmt, andlega, líkamlega og kynferðislega, jafnvel í mörg ár, þá er ekki á góðu von. ég man t.d. hvað maður fór í flækju þegar maður var yngri og var skammaður. eða einhver var vondur við mann. en það var alltsaman djók miðað við þetta.

djí hvað ég er sáttur við æsku mína, enda foreldrar algjörlega tiptop sem og frændgarður allur bara. jebbs, eins og hann leggur sig - nánast...

lestu bókina, sjáðu myndina. þá veistu hvað þú hefur haft það gott.

Athugasemdir

[Ingvar Valgeirsson, 9.1.2008 kl. 23:07]

Já, ætt vor er tæt unaður í alla staði... nema Jan Mayen.