fullkomið líf með hrútnum hreini

 

milli þess sem júrógengið dillar sér í sjónvarpinu og þess að símaóðir íslendingar hafa hringt inn sigurvegarann, þá er besta sjónvarpsefni sem í boði er í dag á dagskrá.

 hrúturinn hreinn. í kvöld var þáttur númer sjö og bara þrjátíuogþrír eftir. þetta er ekkert annað en gargandi snilld og þátturinn í kvöld var fyrirrennari biggest looser þáttanna og unnin að einhverju leyti upp úr rocky, fyrstu mynd.

 en svo vann júróbandið, akkúrat núna, með fullkomið líf. ef hreinn hefði ekki verið væri það sko algjörlega ófullkomið.

 næstu þrjátíu og þrjú laugardagskvöld eru sjónvarpskvöld....

Athugasemdir

[Marinó Már Marinósson, 24.11.2007 kl. 23:48]

Sammála.  Krakkarnir mínir hafa sko húmor fyrir þessu  enda hin mesta skemmtun.

[Helgi Már Barðason, 25.11.2007 kl. 12:35]

Hrúturinn Hreinn er einhver magnaðasti náungi sem birtist á skjám okkar landsmanna um þessar mundir. Dásamlegur. Hér á bæ leggur fólk talsvert á sig til að missa ekki af honum. Laugardagslögin eru svo sem ágætt sjónvarpsefni að mörgu leyti fyrir þá sem gaman hafa af svona nokkru, en þættirnir eru alltof langir. Ragnhildur og Gísli standa sig vel (Ragnhildur hefur að vísu ekki heyrnartækjavænan málróm, segir mamma) en mikið óskaplega virðist RÚV eiga fáa dagskrárgerðarmenn núorðið - sama fólkið er að vasast í hinu og þessu, sama hvort er í útvarpi eða sjónvarpi. Sjálfsagt er að þessu sparnaður, en má ég þá heldur biðja um sparnað á öðrum sviðum ...

[Hrannar Baldursson, 25.11.2007 kl. 15:28]

Verst að í dag er sunnudagur því ég verð sjálfsagt búinn að gleyma þessum ágætu upplýsingum næsta laugardag þegar þörf er á þeim. Hef reyndar ekki kveikt á sjónvarpstækinu í marga mánuði vegna áhugaleysis um miðilinn.