bókin um veginn... eða þar sem hann endar

búinn með “þar sem vegurinn endar” eftir hrafn jökuls.
falleg og skemmtileg og hugljúf og virkilega fín.
skemmtilegar hugrenningar, minningar hans af ströndum og reyndar úr
borginni líka. og reyndar útlöndum. flott skrifuð og hann blandar saman
sögu strandanna, hugsunum sínum sem barn og pælingum sem fullorðins manns.
eins og segir á kápunni að hann hafi átta ára gamall farið í sveit þarna
og nokkrum áratugum síðar vitjað sveitarinnar aftur. í sögunni stikli hann
á stóru um sögu hennar frá örófi fram á 21. öldina. segi frá.... hinu og
þessu... og fegurð lífsins og harðneskju lífsbaráttunnar.

sjálfur hreifst með, gaman að heyra um landnámsmenn, grænlandssteininn, hverjir
voru brenndir á báli og hversvegna. og hverjum gekk betur.

”Ég vissi að kassinn var gerður upptækur af því að ég var níu ára. Af því
að ég var barn. Og ég kreppti hnefana þannig að hnúarnir hvítnuðu – ég man
alltaf þessa litlu hvítu hnúa – og ég sagði við við sjálfan mig, og
álfaborgin og blár himininn og vestanvindurinn og puntstráin voru vottar
að dýrasta eiði lífs míns: Þegar ég verð fullorðinn ætla ég alltaf að muna
hvernig það er að vera lítill strákur. Þegar ég verð fullorðinn ætla ég
alltaf að muna hvernig það er að vera lítill strákur".

nokkur komment úr viðtali kollu bergþórs við hrafn í 24 stundum um daginn:

"Blaðamennska á að vera ástríðustarf en ekki skrifstofustarf. Þar eiga möppudýrin ekki að stjórna. Það þarf neista og vissa geggjun, þörf og löngun til að hafa jákvæð áhrif á heiminn." 

"Í lífinu getum við ekki valið af hlaðborðinu bestu bitana og sleppt hinum. Líf mitt hefur verið fjölbreytt, viðburðaríkt, skemmtilegt, stundum stormasamt, oft erfitt en líka sneisafullt af hamingjustundum"

um sama mál má lesa hér líka: http://www.vglilja.blog.is

mæli með henni. jólalesningin í ár. jólin verða bara betri sko.

langt kominn með neistaflug. komment bráðum um hana. svo sennilega hótel borg. allt að gerast sko...

 

Athugasemdir

[Guðríður Pétursdóttir, 16.11.2007 kl. 00:20]

mikið djöfull ertu duglegur, þú sem hefur aldrei tíma til neins, samt nærðu að lesa svona eins og band(eras)brjálaður

[Arna Harðadóttir (IP-tala skráð) 16.11.2007 kl. 11:08]

Þessi bók sem þú ert að tjá þig um  hér. Ekki þykir mér hún neitt skemmtileg, verð ég að segja. Hef lesið þær betri. Hinsvegar þykir mér gaman að lesa bloggið þitt og finnst það mun skemmtilegra.

[Fanney Björg Karlsdóttir, 16.11.2007 kl. 22:20]

Ef  Hrafn er eitthvað í líkingu við systkini sín hvað varðar pennafærni þá hlakka ég til að glugga í þessa bók hans..... blessaður koddu með fleirri tips um góðar bækur......hvernig er td bókin hennar Vigdísar Gríms .... ertu búin að glugga í hana ???

[Marinó Már Marinósson, 16.11.2007 kl. 22:46]

Hrafn (frændi) er áhugaverður penni og einlægur.      Ætla að lesa þessa bók.

[arnar valgeirsson, 17.11.2007 kl. 00:26]

gaman að vera líkt við banderas...

gaman að iptöluskráð fólk skuli líka nenna að lesa þetta hjá mér arna.

ekki búinn að lesa bíbí hennar vigdísar en reyni að komast yfir eitthvað fyrir jólin, svo líka um jólin ofkors.

en hrafn er auðvitað nokkuð vel ritfær. pilturinn var jú ritstjóri bæði alþýðublaðsins og mannlífs. sem og netmiðla. getur verið beittur en þarna er hann mest einlægur.

[Marinó Már Marinósson, 17.11.2007 kl. 00:41]

Eitt er að skrifa um aðra og annað að skrifa út frá sínum tilfinningum og um leið um sjálfan sig. 

[arnar valgeirsson, 17.11.2007 kl. 01:20]

þú ert skarpari en skólakrakki, marino. rétt hjá þér. endilega kíktu í bókina. held mig við það að þetta er hin besta lesning sko.

[Marinó Már Marinósson, 17.11.2007 kl. 01:37]

nei nei  blessaður, langt í frá. hehe Eins gott að mér var ekki boðið í að keppa þar.