í göldrum og glæpum

neibbs, var ekki að vinna í máli og menningu í gærkvöldi þegar haugur af liði var í biðröð að bíða eftir potternum. fullt af staffi samt í allskyns ófreskjubúningum með görótta drykki og grillaði pylsur - pylsur með ypsiloni sko - oní liðið. hljómsveitir og ég veit ekki hvað. mætti samt tíu í morgun og þá var biðröð og bækurnar flugu út eins og harry á kústskafti, sjitt, það var allt kreisí barasta bara.

          

í gærkvöldi var ég nebblega sko á litla hrauni. einu sinni sem oftar. fór með glimrandi fínu fólki að slá upp sumarmóti frelsingjans, skákklúbb hraunverja, og hróksins. björgvin viðskiptaráðherra, hrafninn jökulssonur, embla dís ásgeirsdóttir, yfirkokkur í grænlandsferðinni í ágúst nk, guðfríður lilja grétarsdóttir, forsetinn minn og súpermanneskja, gunni björns, sem einmitt hefur skrifaðu um ferðina og má klikka á karl hér til hliðar, björn þorfinns sem ætlar að verða stórmeistari þegar hann er orðinn stór. hann vantar bara hundraðogfimmtíu elo stig og þá er málið dautt. pétur lár, félagi okkar og skákkall mikill kom einnig með. sautján manna mót og spennan í hámarki. þvílíkir afleikir hafa sjáldan sést á mótum, allavega í skákum mínum...

en verð að geta þess að það voru frábærir vinningar í boði tomma hjá bókaforlaginu SÖGUR, flottar bækur og diskar og allir þvílíkt hamingjusamir.

minni þó alla sem kunna mannganginn á að það er skemmtilegt mót með grænlandsþema í vin á mánudaginn kl. eitt. allir velkomnir og allir fá vinning. einmitt... frá bókaforlaginu SÖGUR. sem er algjör snilld. vona að hrannar og heimsmeistaralið hans úr salaskóla þekkist boðið um að mæta. ekki alltaf sem maður teflir við heimsmeistara ha.

 

Athugasemdir

[Guðríður Pétursdóttir, 21.7.2007 kl. 22:08]

úúú ég kann mannganginn

er það ekki samt svona hliðar saman hliðar

eins og Óli skans?

[arnar valgeirsson, 21.7.2007 kl. 23:07]

þú setur vinstri fótinn út, þú setur hægri fótinn út...og trillar svo bara áfram ha. en þeir sem ekki taka þátt fá sko enga vinninga.

[Guðríður Pétursdóttir, 22.7.2007 kl. 13:33]

skilðig,kemst samt ekki, er að fara með drenginn í skoðun og svo fer ég með stelpunni að skoða íbúð...

[Anna Einarsdóttir, 22.7.2007 kl. 19:37]

Tefla við heimsmeistara ?    Ætlar þú nokkuð að vera með í skákmóti bloggara með tattoo ?

[arnar valgeirsson, 22.7.2007 kl. 20:15]

ég er ekki heimsmeistari. ekki einu sinni með tattú. en það er hægt að fá svona límmiðatattú sem kostar hundraðogeitthvað kall. mæti.

[Guðríður Pétursdóttir, 22.7.2007 kl. 20:40]

það kostar bara hundrað kall og er geggjað flott, eldri gaurinn minn fékk eitt slíkt,rosasvalt og næst af með barnaolíu og eða tímanum

[Anna Einarsdóttir, 22.7.2007 kl. 20:48]

Þú verður að skrá þig með pompi og prakt......... [e-mail].  Mótið verður 21. september n.k. og ég mæli með að þú mætir tímanlega, því pressan verður örugglega út um allt þarna.  Allavega Pésinn.