mamma og myndin

mamma var lengi lengi lengi og lengi með litla frétt með mynd af honum arnari, hangandi uppá eldhúsvegg. allir fengu að sjá, voða voða voða og voða gaman.

 Þegar ég var í gaggó þá semsagt var verið að byggja íþróttahöllina á akureyri. tveir smiðir voru að leggja einhverjar tréplötur, svona bognar, á þakið og blúbbs, ein  brotnaði og steini þórarins, fótboltakall og smiður, hrapaði niður fjórtán metra og lenti á steinsteyptu gólfinu. stórslasaðist auðvitað. toni, hinn smiðurinn, hékk þarna uppi og slapp með naumindum. En allavega, ég og tveir skólabræður  mínir, fórum að skoða dæmið og þar sem ég ráfa um í höllinni kemur ljósmyndari frá degi, hinu heimsfræga norðlenska blaði, og stillir mér upp til að sjá hve hátt fallið var.

og þarna birtist hún myndin af mér, aulalegum með bláu skíðahúfuna, standandi undir gati og myndin yfir feitletraðri fyrirsögninni:

 FRAMLEIÐSLUGALLI

Athugasemdir

[Guðríður Pétursdóttir, 14.7.2007 kl. 21:20]

oohh ég hef þá rétt misst af honum

en já þú verður að setja inn þessa mynd... punktur

[Ingvar Valgeirsson, 14.7.2007 kl. 22:02]

Sjaldan hefur sannara orð birst í nokkrum fjölmiðli. Nema kannski þegar þú varst titlaður Anna Valgeirs í blaðinu hér forðum, er þú dansaðir diskó í sólarhring. Þá var gaman að vera til.

[arnar valgeirsson, 15.7.2007 kl. 01:19]

jón arnar: bið að heilsa þjóðverjanum svona yfir höfin sjö. passaðu að hann fari sér ekki að voða.

þessi mynd fer algjörlega að öllum líkindum og sennilega barasta ekki neitt hér á þennan vef, né nokkurn annan... finn kannski samt einhverja aðra þegar ég fer í klukkjukkið.

annars á ég einmitt mynd af ingvari þar sem hann er að vinna við lagfæringar í kompu á heimili foreldra sinna á akureyri. í drullugalla og allt. þetta er svona heimild sem sést aldrei aftur... ingvar greinilega að vinna. ungur og myndarlegur með sítt svart hár. myndarlegir bræðurnir valgeirsson sko.....

[Díta (IP-tala skráð) 15.7.2007 kl. 11:59]