blautur félagsskapur

Við Atli skruppum í bæinn í dag, á hafnarbakkann, enda sjómannadagur. Og til hamingju með það sjómenn. Arnar líka, enda var pilturinn á sjó í nokkur ár, ungur og sprækur. Við fórum í alveg ótrúlega rándýrt Tívoli þarna, upp í turn og húrruðumst niður og upp aftur og ég fékk hland fyrir hjartað. Kostaði þúsundkall að láta pína sig í tvær mínútur. Fyrir tvo.

Atli fékk björgunarsveitina Ársæl til liðs við sig og trillaði upp í mastur á seyðfirskum togara og seig niður með hjálm og alles. Efnilegur. Ekkert sérstaklega margt fólk en ágætis stemning og ég sá færeysku tjellingarnar mala íslenskt lið í róðrakeppni.

Annars voru hin og þessi samtök með bása þarna og flottasti bolurinn þar inni var: "þú finnur ekki blautari félagsskap" kofun.is

Lyktað af misgömlum fiski á Hátíð hafsins

Athugasemdir

[arnar valgeirsson, 3.6.2007 kl. 23:25]

ég var sko tvær netavertíðir í Grindavík, aðeins í Hrísey og á rækjufrystitogara í Bolungarvík, litlum skuttogara á Siglufirði, fór túr á Harðbak og svo man ég ekki meir. Þetta var gaman og ég var hörkuduglegur en sjitt, myndi varla meika þetta i dag........