jebb, ekki einkahagsmunir...heyr heyr.

Sammála Ögmundi. Gott hjá honum að tala yfir hausamótum fólks í mínum fæðingarbæ.

Annars hófst dagurinn á því að 5. flokkur Fram lék við KR í Reykjavíkurmótinu á Framvelli. Atli sonur var þar á kantinum, svona vinstri blár, en því miður töpuðu A,B og C liðin öll fyrir vesturbæingum að þessu sinni. Þó mikil læti og spenna. Svo klukkan tvö var aftur ætt upp á Framvöll en félagið heldur upp á 99 ára afmælið í dag. Til hamingju með það. Mátti sjá bæði Valsara og ÍR inga á svæðinu, vonandi til að gleðjast með Frömurum. Allavega sá ég þá háma í sig vöfflur og kleinur með kaffinu.

Svo var brunað í Kópavog á skrifstofu VG þar sem verkalýðurinn var hylltur með ávörpum og söng og allskyns gleði. Fullt af fólki og meira kaffi drukkið, auðvitað keyptir happadrættismiðar fyrir flokkinn þar sem margir skemmtilegir vinningar fyrirfinnast. Td: Pandóruboxin opnuð.. Bragi Kristjónsson býður til sögustundar í Bókinni ehf-fornbókaverslun. Ef ég vinn get ég örugglega boðið fólki með mér en Bragi er snilli og stórskemmtilegur. Örlátur á að gefa mér bækur fyrir Vin og skákklúbbinn og líka til að taka með í kassavís á Litla - Hraun þegar við förum þangað að tefla.

Svo er þarna einn sem ég gæfi sennilega Ingvari, minni kæru bróðurómynd ef ég fæ hann: Í upphafi var orðið... Hlynur Hlallsson spreyjar vel valin slagorð á vegg og er það að andvirði 100.000 kr. Hinn skeleggi hauskúpujakkafatagæi og listamaður myndi nú aldeilis gera heimili Ingvars og Helgu yndislegt fengi hann að skreyta þar veggi. Svo er auðvitað haugur af öðrum skemmtilegum vinningum.

Er að fara til Skúla, hins helbláa Sjallaballa að horfa á Liverpool og Chelsea. Binni sál kemur með og hann er Chelsea. Sem þýðir að ég gerist væntanlega Púllari í tvo tíma, af illri nauðsyn. En bara í tvo tíma, svona til heiðurs Kristjáni Bjarna uppeldisbróður og Halli langa sem er ekki tveggja metra maður. Hann er 1.99 og hálfur.

Svo er það Nasa í kvöld að tjútta með VG til heiðurs verkalýðnum. Jebb, nóg að gera maður.....

Almannahagsmunir ráði för

Athugasemdir

[Ingvar Valgeirsson, 2.5.2007 kl. 20:59]

Hvaða heilablaðskorna himpigimpi dettur í hug að veggjakrot eftir einhvern norðlenskan kommúnista sé 100,000 spesía virði? Hvað var þetta pakk eiginlega að reykja? Hverslags sveppi settuð þið á flatbökurnar ykkar?

Ef þú "vinnur" þetta veggjakrot máttu gleyma því að bindislausa varaþingmannsviðriðnið fái að saurga veggi mína með sovéskum slagorðum, hvað þá mitt kapítalíska heimili með nærveru sinni. Hingað inn þarf hann að vaða gegnum kúlnahríð! En ég býst svosem ekki við að hann vilji neitt hafa saman við mig að sælda, harðkristinn hægrimanninn.

Verður þó að segja piltinum til hróss að hann er nokk smekklegur í tauinu, svona miðað við almenna nútímatízku, og vel snyrtur um höfuðið.

[Leikskólabúinn (IP-tala skráð) 3.5.2007 kl. 12:28]

Já sko ótrúlegt en satt að þá er ég sammála Yngva litla stuttbuxnadreng.  Ég er alveg búinn að fatta þetta.  Sumir, Arnar minn, vilja bara vera undirmálsmenn og segjast tilheyra "verkalýðnum" og berjast gegn auðvaldinu.  Eina sem þetta lið svo gerir er að sötra jurtate með klút um hálsinn og kvarta í hvort öðru.  Aldrei gerir þetta lið eitt eða neitt að viti annað en væla og veina yfir því að allir séu vondir við þá.  Síðan spyr maður sig hvort það sakaði eitthvað fyrir sósíalista að dressa sig betur upp?? maður þarf ekkert að vera með klút og skegg til að vera í vinstri sprænum. 

En þetta er nefnilega alveg vonlaus barátta hjá sósíalistum því þeir geta aldrei verið sammála um eitt eða neitt.  Íhaldið verður alltaf stærsti flokkurinn og bara í jolly fílíng því vinstrimenn eru í eðli sínu ósammála öllu. 

En Arnar minn sko þú þarft að vakna upp og lykta af beikoninu.  Er ekki kominn tími til að gera eitthvað af viti... þú heldur með fótboltaliðum sem tapa, styður stjórnmálaflokka sem tapa og hlustar á óheyrilega viðurstyggilega tónlist (jethro tull og fleira vonleysislið).  Er ekki kominn tími til að hleypa sólinni í líf sitt, kjósa íhaldið, halda með alvöru fótboltaliðum og hlusta á alvöru músík!!! t.d. þessa:

[Ingvar Valgeirsson, 3.5.2007 kl. 18:12]

Ég vil fá IP-tölu þessa manns. Ég ætla að fara heim til hans og míga inn um bréfalúguna, hella rauðvíni í gólfteppið og innsigla sjónvarpið fyrir þann glæp að setja mynd af Leoncie í nágrenni við sjálfstæðisgamminn... eða bara fyrir að setja mynd af Leoncie einhversstaðar.

[arnar valgeirsson, 3.5.2007 kl. 22:39]

einhverntímann hénguð þið nú saman, að nóttu sem degi. Dálítið dularfullt enda vildir þú ekki kynna hann fyrir móður þinni. En þetta var fyrir tíma Helgu. En hann semsagt kynntist annari manneskju eftir að þú fórst, Ingvar litli, varð fjáður og er með parkett um allt. rauðvín bítur ekkert á það. Annars fer ég ekki að verja skepnuna sem talar svo illa um Leeds.