bömmer

Sá einmitt þriðja leik liðanna hér í borg þar sem SA valtaði yfir borgarbúa. Þrusugaman, rokkandroll, AC/DC á fullu mestallan leikinn og menn kramdir við batta, barðir í haus með kylfum og annað stórskemmtilegt í boði. Atli sonur minn sem er býsna lunkinn á skautum fílaði sig vel og söng með léttum slögurum hinna áströlsku og Jökull Logi, hinn eldri, tilkynnti að þetta væri íþrótt sem hann langaði að stunda, ekki síst eftir að einn Akureyringurin fór útaf eftir kylfu í nebba og skildi eftir sig blóðslóð. Drengurinn er reyndar nýfarinn að fylgjast með Dexter blóðmeinafræðingnum vinalega á skjá einum þannig að mér er ekki alveg um sel...

En því meður tók SR þetta eftir þvílíka svaðaleiki bæði á Akureyri um daginn og hér í borg í kvöld. Sá að Héddi og Ágúst, gamlir skólafélagar og KA menn eru ennþá að, enda hraustir strákar sem hafa gaman að af kremja við batta. Hætta sennilega um sextugt og fara snemma á ellilífeyri. En Bjössi, af hverju skoraðir þú ekki. ég hringi í Stjána...

Skautafélag Reykjavíkur Íslandsmeistari annað árið í röð