Allir dagar eru ljóðadagar, ljóð með geðraskanir..

Set inn eitt eftir einn af mínum uppáhalds. Setti þetta í nokkur jólakort hér um árið. Algjör snilld sem og margt sem kom frá honum Pálma Erni Guðmundssyni:

 KONA Í NÆSTA HÚSI

Hún átti gamla eldavél                                                                     

í henni steikti hún sunnudagssteikina.  

Hún átti sjö börn

sem öll pissuðu undir.

Skeiningar voru ekki uppáhald hennar

þegar hún fór í blárósótta sunnudagskjólinn.

Samt ætlar hún einhvern tíma til útlanda

með bláum concord.

Svo situr hún á kvöldin

og horfir á skothvellina í sjónvarpinu

sem hún hefur kært fyrir barnaverndarnefnd.

Í bréfi sem hún skrifaði velvakanda

fór hún hörðum orðum um tomma og jenna.

Þegar hún verður fertug

ætlar þessi kona að fá sér hund.