einu sinni var...páskafrí

Var að senda honum Peter von Staffeldt, skólastjóra í Scoresbysundi smá pistil og segja hvað við vorum ánægð með ferðina. Nú skal planað sem aldrei fyrr, fara aftur og taka góðan hundasleðatúr, kíkja á ísbirni og tefla á grilljón við börn og fullorðna. Þvílíkur staður.

Annars eru piltarnir mínir tveir og Ingvarssonur eldri búnir að vera hér í súkkulaði og Grand Theft Auto að drepa íbúa heillar borgar yfir helgina, jafnvel þó þeir hafi lofað að drepa ekki marga af því það voru páskar! En þetta hefur nú verið letilíf, maður safnar bara bumbu og horfir á Dexter og fóbbolt. Rúllaði reyndar eldri pilti austur yfir heiðar til sinna heimahaga í dag og var sko aldeilis ekki einn á ferð, það var bíll við bíl frá Litlu kaffistofu og heim í stofu. En það var ok, Rokkland í útvarpinu og gus gus á grilljón svo maður var bara í þvílíkum swingandi fíling. Annars er það bara Bob Dylan akkúrat nú á meðan vellan veltur frá manni yfir lyklaborð.

Svo bara Atli kútur, var að tala við hann Árna frænda þinn og við vorum að pæla og plana veiði í norðlenskum stórám í sumar. Veitt á flugu og þá horfi ég bara á og fer í berjamó. Annars hef ég ekki meira að segja, búinn að bulla nóg með því að kommenta á aðra í kvöld.

En hafið góðar hægðir eftir eggin.