kisulórur og ísbirnir

 

Þekki fólk sem bókstaflega elskar ketti. Knúsar þá og kyssir og finnst fínt að þeir nái sér í þresti og snjótittlinga. Þekki líka fólk sem bókstaflega hatar ketti. Einn heitir Ingvar. Litli bróðir minn. Ekki stór, samt stærri en ég. Við erum báðir miklir menn. Ekki feitir eða svoleiðisssss, bara mikilmenni. Viðar litli líka, sá stærsti á lengdina.

Hugleiðingin var að ég ætti kannski að skipuleggja ferðir til Grænlands fyrir þá sem illa þola ketti. Þar eru ísbirnir og selir og haugur af hundum. Og ég meina haugur af hundum. Engir kettir. Man ekki eftir þeim allavega en þeir yrðu hundafóður hvort sem er. Ég er skíthræddur við þessa hunda enda stórir, sterkir, loðnir og með blá augu. Ekki aldir upp til að vera neinir kjölturakkar.

Semsagt, skipulagðar veiðiferðir, aðallega silungsveiði því vötn um víðan völl og fullt af silungi. Selshreifar í morgunmat og spik á kvöldin.

Ég hef ýmislegt skrýtið borðað á ferðum mínum. Sniglar til dæmis er bara eins og laugardagsnammi. Ísbjarnarkjöt er ágætt, pínu seigt. Ísbjarnarhjarta er furðu gott, eins og lifur. Manni líður eins og maður heiti Gísli Súrsson nýkominn af hól eftir að hafa höggvið mann í herðar niður þegar maður ræðst á svona veitingar. Selur er ......feitur og söltuð náhvalshúð er eins og leður. Samt hálfgert snakk. Leðursnakk.

Var í Færeyjum og tók þátt í grindhvaladrápi. Fyrst tuttuguogníu stykki. Blóðugt. Svo sjöhundruð stykki. Úllala. Tuttuguogátta hvalir komu á mitt heimili. Við vorum fjórir af 105 manns sem tóku þátt. Tuttuguogátta stykki. Matur í tvö ár. Grindhvalakjöt er eins og lamb. Grindhvalsnýru er ógeð. Eins og körfubolti búinn til úr teygjum. Viðbjóður. Drepa sjöhundruð hvali á einum degi og éta nýrun um kvöldið. Þvílíkur dagur.

Færeyingar eru nánast hættir þessu enda langt um liðið. Þegar ég var ungur, sætur og grannur. Í þá gömlu góðu daga. Ummmmmmmmmmmmmmmmmmmm.

Athugasemdir

[Ingvar Valgeirsson, 15.3.2007 kl. 19:01]

Mig langar að skipuleggja veiðiferð í Breiðholtið fyrir þá sem ill aþola ketti. Komið með eigin barefli og byssur.

Viðurstyggileg loðin afkvæmi Satans, ekki til nokkurra hluta nýtir. Alveg eins og rottur, nema bara sætir svo heimskum kerlingum þyki vænt um þennen viðbjóð.

Ég er hinsvegar alltaf jafn ánægður með að þú hafir drepið hvali. Ég hef bara drepið hákarl, enda er ég bara litli bróðir þinn. Samt er ég á réttari stað í pólitík.

Áfram hvalveiðar og kattaveiðar!!!